Суд Гродзенскага раёна 11 лютага пачынае разгляд справы аб выбуху на Скідзельскім цукровым камбінаце, паведамілі БЕЛТА ў прэс-службе Гродзенскага абласнога суда.
Абвінавачванне ў здзяйсненні злачынства, прадугледжанага арт.428 КК (службовая халатнасць), прад’яўлена галоўнаму інжынеру камбіната, начальніку цэха гатовай прадукцыі і яго намесніку. Судовае пасяджэнне будзе адкрытым.
25 лютага 2017 году прыблізна, а першай гадзіне ночы падчас транспарціроўкі цукру-пяску па галерэі, якая злучае склад ёмістасцю 15 тыс. тон і галоўны вытворчы корпус прадпрыемства, адбыўся выбух цукровага пылу. Пяць працаўніц прадпрыемства з апёкамі рознай ступені цяжкасці былі шпіталізаваны.
Ім была аказана кваліфікаваная медыцынская дапамога, аднак чацвёра памерлі ў сакавіку 2017 года. Пятай пацярпелай прычынены цяжкія цялесныя пашкоджанні. Яна доўгі час знаходзілася на лячэнні ва ўстанове аховы здароўя і страціла працаздольнасць.
Па факце здарэння ўпраўленнем Следчага камітэта па Гродзенскай вобласці была ўзбуджаная крымінальная справа, якая пасля была перанятая галоўным следчым упраўленне цэнтральнага апарата СК.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…