У 2019 годзе завершыцца будаўніцтва цэнтральнай раённай бальніцы ў Астраўцы і пачнецца ўзвядзенне анкалагічнага дыспансера ў Гродне, піша БЕЛТА.
У рэгіёне у 2019 годзе будуць рэалізаваны адразу некалькі буйных праектаў. У прыватнасці, у Гродне ствараецца універсітэцкая клініка. У Астраўцы завяршаецца будаўніцтва цэнтральнай раённай бальніцы, якая стане сучасным міжраённым клінічным і дыягнастычным цэнтрам. У самым Гродне сёлета плануецца пачаць работы па рэканструкцыі комплексу будынкаў гарадской бальніцы № 3 пад абласны анкалагічны дыспансер.
Запланаваны абнаўленні аддзяленняў адразу ў некалькіх раённых бальніцах, у Ваўкавыскім, Навагрудскім, Шчучынскім і Ашмянскім раёнах будуць набыты новыя аўтамабілі хуткай дапамогі. Таксама ў планах на год набыццё рознага сучаснага медыцынскага абсталявання.
Падчас калегіі адзначалася, што у 2018 годзе ў рэгіёне ў поўным аб’ёме выкананы ўсе сацыяльныя стандарты ў сферы аховы здароўя.
— Гродзенская вобласць — адзін з рэгіёнаў, які можа выступаць прыкладам у арганізацыі медыцынскай дапамогі на розных узроўнях. Сёння, зрэшты, важна не столькі падводзіць вынікі, колькі глядзець у будучыню, працягваць працу па стварэнні аптымальнай сістэмы аховы здароўя, якая б адказвала патрэбам ўсіх жыхароў рэгіёну, — адзначыў на калегіі першы намеснік міністра аховы здароўя Дзмітрый Піневіч.
Ён падкрэсліў, што выбудоўванне такой сістэмы патрабуе перш за ўсё прафесійнай працы кадраў і прынцыповага попыту з медыцынскага персаналу.
— Пераглядаем падыходы да ўзаемадзеяння з пацыентамі і СМІ. Бо з развіццём сацыяльных сетак, інфармацыйных тэхналогій мы пераходзім да сумеснай працы з пацыентам. Важны і дыялог са здаровымі людзьмі для таго, каб растлумачыць, як наладзіць паводзіны, якія захоўваюць здароўе, як зрабіць правільна, каб перамагчы хваробу, калі раптам захварэлі, — дадаў Дзмітрый Піневіч.
Пакуль ўкараняць такую практыку плануецца на пілотных праектах. Некаторыя з іх рэалізуюцца ў тым ліку і ў Гродзенскай вобласці.
