Мастачка Ірына Радкевіч аднойчы спыніла свой погляд на суседскім індыку і закахалася ў гэтых птушак. Зачаравацца гэтымі свавольнымі птушкамі могуць зараз наведнікі галерэі «У Майстра», дзе 25 студзеня адкрылася персанальная выстава мастачкі пад назвай «Індык суседкі».
Ірына Радкевіч з’яўляецца адным з самых вопытных і папулярных мастакоў па кераміцы ў Гродне. Яе працы маюць вялікі поспех у родным горадзе, Расіі, Польшчы, Літве, Францыі, Германіі, Японіі. Яе керамiка ёсць не толькі ў музейных зборах Беларусі, але і ў музеі керамікі ў Карэі. З пачатку 2000-х Ірына актыўна спрабуе сябе ў розных мастацкіх накірунках: скульптуры, жывапісе, фрэсцы.
Арт-дырэктарка галерэі Вольга Бараноўская каментуе выставу:
«Праект Ірыны Радкевіч „Індык суседкі“ з’яўляецца аўтарскім эксперыментам. Падарожжам мастачкі ўнутр сябе з мэтай зразумець, намацаць новыя для сябе эстэтычныя вобразы. Гэта першая персанальная маляўнічая выстава Ірыны Радкевіч. На ўсіх палотнах намаляваныя хатнія птушкі. Гэта вельмі просты лад, знаёмы з дзяцінства, які выклікае асацыяцыі са спакойным вясковым жыццём. Аднак не ўсё так проста, на мой погляд гэта эстецкая гульня, калі аўтар хітруе з гледачом і кажа ў працах не праз вобраз, а праз метад выканання. У працах аўтара колер, святло, фактура становяцца нашмат больш змястоўнымі чым тое, што менавіта намалявана на палатне».
Выстава будзе доўжыцца да 21 лютага.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…