У Гродне міліцыянты ўручылі чарговы пратакол журналісту і музыканту Алесю Дзянісаву па артыкуле 22.9 КаАП за сюжэт прысвечаны сутарэнням, які з’явіўся на адным замежным тэлеканале, піша «Гарадзенская вясна».
— Да Алеся Кіркевіча дзесьці тыдні два таму прыходзілі міліцыянты. Я, скажам так, не ішоў з імі на кантакт, ну, а сёння проста пашкадаваў іх. Чарговы раз яны грукаліся ў дзверы, я вырашыў, што звычайныя міліцыянты не павінны адказваць за сваіх начальнікаў-дурняў. Напісаў, што не згодны з пратаколам і распісаўся, — кажа Алесь Дзянісаў.
Журналіст адмовіўся даваць міліцыянтам тлумачэнні:
— Запыталіся ці буду даваць паказанні. Я адказаў, што не варта губляць час. Яны сказалі, што гэта правільна і паехалі. Цяпер чакаю позву з суда. Думаю, што ў першай палове лютага.
Па артыкуле 22.9 КаАП РБ (незаконны выраб і распаўсюд інфармацыйнай прадукцыі сродкаў масавай інфармацыі) у Гродне за апошнія некалькі год вялікімі адміністрацыйнымі штрафамі былі пакараныя: Андрэй Мялешка, Алесь Дзянісаў, Павел Мажэйка ды Алесь Кіркевіч.
Па тым жа артыкуле і за той жа сюжэт будуць судзіць Алеся Кіркевіча.
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…