Работнікі школьных сталовых Гродзенскай вобласці цяпер пастаянна пад прыцэлам відэакамер. Іх усталявалі ў сталовых усіх устаноў адукацыі рэгіёну, паведамляе АНТ. На такія меры пайшлі, таму што сістэматычна тут выяўляюць нядобрасумленных кухараў, якія парушаюць санітарныя нормы, тэхналогію прыгатавання страў, а лішняе забіраюць дадому.
Камеры пішуць кругласутачна. Любы момант жыцця школы можна адкруціць і адглядзець нанова. Знаходзячыся недзе за межамі гімназіі або нават у адпачынку, дырэктар можа выдалена атрымаць доступ да відэаназірання і паглядзець, што адбываецца не толькі на харчблоку, а наогул на тэрыторыі гімназіі.
Такія ж сістэмы зараз ёсць у кожнай школе вобласці - і ў горадзе, і ў вёсцы. У самых прасунутых работнікі кухні маюць карткі доступу і выходзяць з будынка толькі праз турнікеты. Як альтэрнатыва — запісваюцца ў спецыяльных часопісах. Пры гэтым ахова мае права праверыць, што нясе з сабою чалавек. Інфармацыя захоўваецца на серверы месяц. Калі выявілі праблему, звяртаюцца ў міліцыю ці камбінат школьнага харчавання. Там прымаюць меры.
Вядома, працаваць цэлы дзень пад камерамі складана, прызнаюцца самі кухары. Але на такія меры прымусіла пайсці сітуацыя, якая склалася ў рэгіёне. Толькі ў мінулым годзе ў выніку праверак да дысцыплінарнай адказнасці за парушэнні прыцягнулі амаль 450 чалавек. Больш за 20 звольнілі, у тым ліку за крадзяжы прадуктаў.
— Мы калі прыходзім, падпісваемся ў часопісе для работнікаў харчаблока. І калі сыходзім, таксама падпісваемся ў гэтым жа часопісе. І дзяжурыць у нас ахоўнік — паказваем яму сумкі. Напружвае? Вядома, як недавер … Але ў той жа час сыходзіш са спакойнай душой, — кажа Марыя Якубашка, загадчыца вытворчасці гімназіі № 10 г. Гродна.
Убачыць усё немагчыма, але сістэмы дапамагаюць адсачыць працу саміх педагогаў, а таксама паводзіны дзяцей. Колькасць камер кожная школа вызначае сама. Але многія кіраўнікі зацікаўлены: чым большы ахоп — тым надзейней. Каштуе такое задавальненне каля 30 рублёў у месяц.
Праўда, новая сістэма работы агаліла і праблему — кадраў у сістэме школьнага харчавання не хапае. З-за падвышанай увагі да гэтай сферы, росту праверак і ўвядзення відэакантролю толькі ў КШХ аднаго з раёнаў Гродна летась прыйшлося змяніць больш за палову складу супрацоўнікаў. Але спецыялісты ад адукацыі ўжо прынялі рашэнне — з кожным годам колькасць камер у школах будзе расці. З часам такая ж сістэма прыйдзе і ў каледжы, ліцэі і спецыяльныя навучальныя ўстановы.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…