Паглядзіце на Гродна вачыма канадскай сям'і, якая падарожнічае ўжо больш за 5 гадоў

Пяцітыдневы адпачынак канадскай сям'і Патанс у 2013 годзе ператварыўся ў пяцігадовы тур па розных краінах. За пяць гадоў сям’я наведала 98 краін, у тым ліку і Беларусь. Улетку 2018 года канадцы пазнаёмілася з Гродна і знялі пра яго відэа.

Горад для сям'і Патансаў стаў нечаканым адкрыццём. Скарыстаўшыся бязвізавым рэжымам канадцы бесперашкодна з Польшчы заехалі ў Гродна, але ў начным горадзе з’явіліся першыя цяжкасці - прапала бронь апартаментаў, а мясцовыя не ведалі англійскай. Дапамагчы турыстам узяліся пакістанскія студэнты медыцынскага ўніверсітэта.

У відэа Патансы распавядаюць пра архітэктуру і помнікі Гродна, пра тое, што можна паглядзець і купіць у гэтым горадзе. У Гродне сям’я спрабуе беларускі зефір і параўноўвае горад з Міланам.

«Мы — Тайлер і Шанталь Патанс і тры нашыя выдатныя дачкі Джулія, Анжаліка і Хлоя. У 2013 годзе мы адправіліся ў пяцітыднёвы адпачынак у Еўропу і нам так спадабалася, што мы вырашылі працягнуць падарожжа. Мы вярнуліся ў Паўночную Амерыку, адкуль мы родам, але толькі каб сабраць рэчы і вярнуцца ў Еўропу. Наш бізнес дазваляе нам працаваць з дома, таму, калі ў нас ёсць камп’ютар і падлучэнне да інтэрнэту, мы можам выконваць працу з любога месца. Прыехаўшы з краіны, якая дазваляе хатняе навучанне для дзяцей, мы бласлаўлёныя тым, што вядзем лад жыцця, пра які марым, з нашымі трыма дзяўчынкамі, не адцягваючы ўвагу ні на якую школьную працу.

Мы вырашылі падзяліцца сваім вопытам з усім светам і стварылі сайт, каб пісаць пра нашыя прыгоды. Мы спадзяемся, што зможам дапамагчы людзям парадамі і рэкамендацыямі па вандроўках, ідэямі пра тое, куды ісці далей, ці проста паклічам вас адправіцца ў падарожжа разам з сям’ёй!"

У Еўропе Патансы наведалі ўсе краіны. Беларусь і Ісландыя сталі апошнімі ў Старым свеце для канадцаў. Цяпер сям’я падарожнічае па Цэнтральнай Амерыцы.