Сіноптыкі абяцаюць наступ сапраўднай зімы са снегам і марозам. На тэрыторыях практычна ўсіх гродзенскіх школ зараз ёсць каткі або «хакейныя каробкі», лыжныя трасы і месцы для цюбінга. Цяпер шосты школьны дзень у дзяцей праходзіць не ў кабінетах за падручнікамі, а на вуліцы з канькамі і лыжамі, паведамляе «Гродна Плюс».
Дзеці расказваюць, як кідаліся снежкамі, гулялі ў хакей, каталіся на лыжах, лядзянках і санках, рабілі крэпасць. У школах каткі і «хакейныя каробкі» карыстаюцца вялікім попытам. Па-першае, бацькам не страшна адпускаць дзяцей, яны ўвесь час пад наглядам дарослых, па-другое, лядовыя пляцоўкі, як правіла, недалёка ад дома.
— Будзем спадзявацца, што тэмпературны рэжым будзе спрыяльны і марознае надвор’е пратрымаецца хаця б 2−3 тыдні і дасць магчымасць нашым рабятам атрымаць асалоду ад лядовых пляцовак, гульні ў хакей, патрымаць у руках клюшку і адчуць зімовае надвор’е, — кажа Андрэй Семанчык, начальнік аддзела адукацыі Гродзенскага гарвыканкама.
Нагадаем, каткі з’явяцца і ў парку Жылібера, па вуліцах БЛК і Даватара. Там можна прыходзіць са сваімі канькамі або ўзяць напракат.
Зараз праз памежныя пераходы ў Медынінкай (з беларускага боку Каменны Лог) і Шальчынінкай (Беняконі) можна…
У Гродне на продаж выставілі начны клуб "Калізей 2000". Ён прадаецца як гатовы бізнес. Паглядзелі,…
Прадаюць камерцыйнае памяшканне ў падвале будынка на вул. Савецкіх Пагранічнікаў, 17. Там дызайнерскі рамонт у…
У Гродне з аўкцыёну прадаюць памяшканне афтальмалагічнага цэнтра "Новое зрение" на вул. Леніна, 13-3. У…
Чарачная “са смакам дзяцінства” DEHDИ адкрылася ў Гродне на вул. 1-й Працоўнай, 8. Уладальнікі абяцаюць,…
У Гродне на Лідскай, 15А адкрыўся "пакой лютасці". Ва ўстанове пад назвай «Дебошь» можна скінуць…