У Новы год прынята браць самае лепшае і дарагое з мінулага. Для каманды Hrodna.life - гэта гродзенскія гісторыі і ўспаміны яго жыхароў. У 2018 мы падрыхтавалі і выдалі кнігу ўспамінаў гродзенцаў. Таму ў настольным календары 2019 года выкарысталі здымкі, якімі падзяліліся героі ўспамінаў.
Здымкам сімвала 2019 года, свінні, з намі падзялілася фатографка Наталля Дораш. Напэўна, гэта самая вядомая свіння ў гісторыі нашага горада. Пра тое, як з’явіўся здымак, Наталля распавяла Hrodna.life.
«Справа была ў 1973 годзе, шпацыравала па вуліцы Савецкай. Раптам з боку вуліцы 8 Сакавіка (цяпер Вялікай Траецкай) выбегла на дарогу свіння. Я не разгубілася і стала яе фатаграфаваць.
Чалавек у доўгім паліто на супрацьлеглым баку тратуара заўважыў мае дзеянні, хуценька да мяне падбег і ўчэпіста схапіў мяне за локаць. Ён стаў склікаць мінакоў і патрабаваў выклікаць міліцыю, таму што я ачарняю савецкую рэчаіснасць — фатаграфую на цэнтральнай вуліцы горада свінню. Стаў збірацца натоўп… Але свіння пабегла ў бок Савецкай плошчы і ўсе рынуліся яе лавіць, грамадзянін пакінуў мой локаць і таксама пабег за свіннёй. Я ж пабегла ў процілеглы бок і мне ўдалося схавацца ад пільных грамадзян», — узгадвае Наталля Дораш.
Да слова, таго самага пільнага грамадзяніна плёнка фатографкі таксама захавала для гісторыі.
А надрукаваны насценны каляндар са знакамітым сімвалам года выглядае вось так:
Для каманды Hrodna.life здымак Наталлі Дораш вельмі сімвалічны. Зусім не таму, што «ачарняе» нейкую там рэчаіснасць. Свіння можа быць проста свіннёй, то бок — адным з фактаў у гісторыі горада. Але мы ўпэўнены, што з такімі ўважлівымі чытачамі ад нас ў новым годзе не схаваецца ніводная свіння і мы не прапусцім ніводнай важнай навіны. Разам мы зможам і далей расказваць пра ўсе цікавосткі і неверагодныя гісторыі, што будуць адбывацца ў Гродне.
Календары ад Hrodna.life атрымаюць нашы леташнія падпісчыкі і чытачы. Таксама мы падарым іх тым, хто аформіць падпіску на 2019 год. Падпіска адкрыецца ў бліжэйшы час. Частку накладу разыграем сярод сяброў нашых суполак у сацыяльных сетках.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…