У мінулым годзе ў Каложскай царкве завяршыліся ўнутраныя рамонтныя работы. І пра вялікія ператварэнні старажытнай Каложы проста ў храме да нядаўняга часу распавядала фотавыстава з ілюстрацыяй кожнага з этапаў работ, піша «Гродзенская праўда».
Работы пачаліся ў кастрычніку мінулага года. Сродкі на капітальны рамонт драўлянай сцяны храма былі вылучаныя з фонду Прэзідэнта Рэспублікі Беларусь па падтрымцы культуры і мастацтва. Адным з самых складаных этапаў тады стала выраўноўванне каркаса да праектных адзнак. Драўляную сцяну прыпаднялі ўверх на 30 сантыметраў і на такую ж адлегласць ссунулі ўнутр храма. Былі ўзмоцненыя існуючыя падмуркі, заменены вокны і дзверы.
На пачатку мінулага года будаўнікі выйшлі на фінішную прамую па ашалёўцы знешняй сцены, і царква XII стагоддзя паўстала ў абноўленым выглядзе перад гараджанамі і гасцямі абласнога цэнтра. Было выканана і добраўпарадкаванне тэрыторыі вакол храма, а ў снежні тут завяршыліся ўнутраныя работы.
У столі абнавілі ашалёўку. Узведзены балкон для пявучых і свячная скрыня, змантаваныя лесвіцы на балкон і з балкона на бакавую галерэю. Рамонтныя работы праводзілі спецыялісты ААТ «Гроднажылбуд», а ўсе драўляныя элементы цяпер выкананы з даўгавечнага дуба.
— Акрамя таго, праведзена кансервацыя некалькіх участкаў скляпенчатай столі, якія захаваліся ў алтарнай частцы, дзе пры дэталёвым вывучэнні адкрыліся некалькі расколін, — дадае галоўны архітэктар праекта ўнутраных рамонтных работ інстытута «Гроднаграмадзянпраект» Алена Шчасная.
Абнавілі часткова і функцыянальныя элементы дэкору — цэнтральную люстру, ці панікадзіла XIX стагоддзя, якая першапачаткова выпраменьвала святло з дапамогай запаленых свечак. Пазней прама па-над ёй былі падведзены правады, і на змену свячному прыйшло электрычнае асвятленне. Гродзенскія спецыялісты ААТ «Белкард» бясплатна ачысцілі каложскае панікадзіла і схавалі праводку — зараз яна стала незаўважнай.
Цяпер рыхтуюць і новы элемент экскурсій — археалагічнае акно. Частка падлогі будзе пакрыта трывалым шклом: пад ім прыхаджане і наведвальнікі царквы змогуць разгледзець падмурак, а таксама рэшткі некалі страчанай старадаўняй калоны храма.
Раскрылі аснаванне левай заходняй калоны яшчэ ў 80-я гады мінулага стагоддзя, але ўбачаць яе толькі цяпер. Ніша з фрагментам калоны ніжэй узроўня падлогі будзе падсвечана, а ўдаратрывалае шкло тут плануюць усталяваць ужо ў студзені.
Асвячэнне храма архіепіскапам Гродзенскім і Ваўкавыскім Арцеміем пройдзе 13 студзеня ў 10.00.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…