Чым будзем займацца ў горадзе ў навагоднюю ноч

На плошчы Леніна будзе арганізавана канцэртная праграма. Феерверк — гэтая кульмінацыя навагодняй ночы — ў дзве гадзіны, а пасля працяг — да чатырох, паведамляе «Гродна Плюс».

Святочная навагодняя ноч пройдзе на плошчы Леніна з гадзіны да чатырох ночы. Выступяць мінскі артыст Дзмітрый Кароль, гурт «Тени», шоу «Максимум», будзе піксельнае шоў ад шоў-праекту «Малина» і віншаванне галоўнага Дзеда Мароза і Снягуркі. Вядучыя мерапрыемства — Андрэй Стальбоўскі і Вадзім Васько, распавядае Жанна Дулін, рэжысёр Гродзенскага гарадскога цэнтра культуры.

Святочныя мерапрыемствы будуць праходзіць ва ўсіх мікрараёнах горада. 1 студзеня выступленні артыстаў будуць праходзіць на розных пляцоўках горада і ў мікрараёнах.

Глядзіце праграму навагодніх святаў у Гродна

УУС Гродзенскага аблвыканкама нагадвае, што нельга знаходзіцца ў месцах масавага знаходжання ў п’яным выглядзе і праносіць на свята алкаголь і забароненыя прадметы, якія могуць быць выкарыстаны для нанясення цялесных пашкоджанняў. На ўзмоцнены рэжым працы ў дні навагодніх святаў пераходзяць бальніцы, траўмапункты і служба хуткай дапамогі.

У навагоднюю ноч грамадскі транспарт у Гродне будзе вазіць пасажыраў да 5-й раніцы, а цэнтр часткова перакрыюць

— 30 і 31 снежня будзе пераважна хмарнае надвор’е, часам ападкі, у асноўным мокры снег, дождж. Тэмпература паветра на працягу сутак -3 … + 2. Ну і ў першы дзень новага года чакаецца таксама кароткачасовы снег, раніцай і днём у многіх раёнах краіны мокры снег, які будзе пераходзіць у дождж, — кажа Вольга Шамянская, інжынер-метэаролаг філіяла Гродзенскага абласнога цэнтра па гідраметэаралогіі і маніторынгу навакольнага асяроддзя.

Вядома, якое надвор’е будзе ў навагоднюю ноч

youtu.be/07nMI8iMYgs