У групе «Типичный гродненец» у Вконтакте выклалі магчымыя варыянты рэканструкцыі гасцініцы «Беларусь» у Гродне. Невыключана, што менавіта гэты варыянт будзе рэалізаваны ўласнікам будынка.
Нагадаем, роўна год таму гасцініцу «Беларусь» гарадскія ўлады прадалі за 2 мільёны долараў. Новым уладальнікам будынка сталі бізнесоўцы з Баранавічаў, якія выкупілі акцыі гродзенскага прадпрыемства ААТ «Гасцінічная гаспадарка». Бізнесоўцы займаюцца інвеставаннем у розныя аб’екты па ўсёй Беларусі, у тым ліку і гасцінічныя.
Ці будзе рэалізаваны менавіта гэты варыянт рэканструкцыі яшчэ невядома, адзначыў галоўны архітэктар Гродна Дзмітрый Вабішчэвіч.
«Праект гасцініцы „Беларусь“ яшчэ не ўзгоднены, ён у стадыі распрацоўкі. Асабіста мне іншы варыянт дасылалі, гэты я яшчэ не бачыў».
Па ўмовах таргоў гасцініца «Беларусь» мінімум на 5 гадоў захавае гасцінічны профіль. Акрамя таго, у бліжэйшыя 3 гады ў рэканструкцыю новым гаспадарам трэба ўкласці не менш за 1 мільёна долараў і захаваць не менш за 40 працоўных месцаў.
Гасцініца «Беларусь» была пабудавана ў 1968 годзе і тады была самай вялікай у Гродне. У ёй 188 нумароў на 242 месцы. Некалькі гадоў таму правялі мадэрнізацыю на некалькіх паверхах. Рэстаран з-за забароны санэпідслужбы закрылі ў снежні 2012. Яго трэба цалкам мадэрнізаваць.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…