Першая ў Гродне крама «Бруснічка» на вуліцы Даватара, 7 зноў змяніла шыльду і атрымала старую назву, пад якой ужо працавала, — «Еўраопт». Каб даведацца, чаму найбуйнейшы ў краіне дыскаўнтэр памяняў назву, «Вячэрні Гродна» звярнуўся ў філіял ТАА «Еўрагандаль» у Гродне.
— У свой час гэта быў эксперыментальны праект, але цяпер мы вырашылі вярнуць краме ранейшы фармат. У гэтым раёне шмат інтэрнатаў і досыць пакупнікоў пенсіённага ўзросту. Мы неаднаразова атрымлівалі просьбы і прапановы пашырыць асартымент і змяніць якасць абслугоўвання. А зрабіць гэта без вяртання да старога фармату немагчыма, таму было прынята такое рашэнне, — распавёў намеснік дырэктара філіяла ТАА «Еўрагандаль» у г. Гродна Усевалад Шчарбакоў.
Таксама ўжо пераведзена ў «Еўраопт» і «Бруснічка» на вуліцы Рэпіна. Такім чынам, зараз у Гродне працягваюць працаваць тры крамы пад шыльдай «Бруснічка».
Нагадаем, «Бруснічка» на вуліцы Даватара адкрылася 26 верасня гэтага года. Гэта быў першы падобны аб’ект у Гродзенскай вобласці і другі ў краіне па плошчы сярод аналагічных крамаў. Узамен паменшанага ў параўнанні з «Еўраоптам» асартыменту пакупнікі куплялі тавар па «акцыйных» коштах.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…