ДТЗ з удзелам маршруткі і мікрааўтобуса «Ford» адбылося 11 снежня каля 07:40 на скрыжаванні вуліц Гродзенская — Вялікая Альшанка. У выніку сутыкнення аўтамабіль з пасажырамі перавярнуўся.
У абласной ДАІ расказалі, што кіроўца на аўтамабілі «Ford» рухаўся з мікрараёна Альшанка ў прамым напрамку — вуліцы Славінскага. Праязджаючы скрыжаванне вуліц Гродзенская — Вялікая Альшанка, ён сутыкнуўся з маршруткай, якая заканчвала паварот налева. Удар маршрутцы прыйшоўся ў заднюю правую частку, ад чаго яна перакулілася.
Вядома, што акрамя кіроўцы ў маршрутцы было яшчэ чатыры пасажыры, сярод якіх былі і дзеці. Аднак ніхто з іх сур’ёзных траўмаў не атрымаў. Пасля аварыі ў бальніцу была дастаўлена малалетняя пасажырка аўтамабіля «Ford», якую цяпер аглядаюць медыкі. Яна знаходзілася ў салоне ў дзіцячай утрымлівальнай прыладзе.
У цяперашні час па факце ДТЗ праводзіцца праверка.
Як паведамляе «Гродзенская праўда», адно дзіця, чатырохгадовая дзяўчынка, дастаўлена ў абласную бальніцу.
На месцы аварыі працуе аператыўная група УСК РБ па Гродзенскай вобласці.
— Хто на які сігнал з кіроўцаў рухаўся, трэба высветліць. Дакладна вядома, што ўдар маршрутным таксі прыйшоўся ў заднюю правую частку. Дзіця знаходзіўся ва ўтрымліваючым крэсле, — паведамілі ў прэс-службе ДАІ.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…