Менш чым за тыдзень у службы «адно акно» ў Гродне па пароль-лагін для доступу да Адзінай парталу электронных паслуг звярнулася 17 чалавек, піша «Вячэрні Гродна».
«Адно акно» адміністрацыі Ленінскага раёна абслужыла сем чалавек, адміністрацыі Кастрычніцкага раёна — дзесяць. У гарвыканкам не прыйшло ніводнага чалавека.
Каб даведацца, ці патрапіў у базу грамадзян, якія не занятыя у эканоміцы, неабходна зарэгістравацца на Адзіным партале электронных паслуг і завесці асабісты кабінет. Для рэгістрацыі неабходна мець лагін і пароль. Іх атрымліваюць у раённых ці гарадскіх службах «адно акно».
Працэдура займае 10−15 хвілін. Пры сабе трэба мець пашпарт. Вас папросяць напісаць заяву аб выдачы унікальнага ідэнтыфікатара, паказаўшы Ф. І. І., дату нараджэння, месца прапіскі і пражывання, пашпартныя дадзеныя, тэлефон, адрас электроннай пошты. Робіцца запыт, пасля чаго вы атрымліваеце дадзеныя, якія можаце ўвесці праз любую электронную прыладу з выхадам у інтэрнэт.
У асабістым кабінеце ў раздзеле «Праца і занятасць» выбіраеце паслугу «Прадастаўленне звестак аб аднясенні грамадзяніна да незанятых у эканоміцы» і пацвярджаеце заказ. Некалькі хвілін — і атрымаеце адказ.
«Не, вы не аднесены да незанятых у эканоміцы. Звесткі прадастаўлены за 3 квартал 2018 года" — так будзе выглядаць адказ у выпадку, калі вас у базе няма. Спіс абнаўляецца штоквартальна, таму праходзіць такую працэдуру лепш раз у тры месяцы.
Калі ваша імя апынулася ў базе, можна аспрэчыць свой статус. Для гэтага трэба звярнуцца ў камісію пры адміністрацыях і гарвыканкамах. Пры сабе варта мець дакументы, якія даказваюць вашу правату.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…