У Альшанцы да Новага года здадуць 99-кватэрны дом і закладуць новы для шматдзетных сем’яў

У Гродне ў чарзе на паляпшэнне жыллёвых умоў знаходзяцца 1361 шматдзетная сям’я. Як паведамілі ў УКБе Гродна, сёння ў стадыі будаўніцтва 460 кватэр для такой катэгорыі сем’яў. Паводле праведзенага апытання, 104 сям'і адмовіліся ад атрымання кватэр у бліжэйшы час, матывуючы гэта рознымі прычынамі. Тым не менш, чарга за імі захоўваецца, піша «Гродзенская праўда».

Гэтая задача на асаблівым кантролі. Ужо ў снежні здаецца 99-кватэрны жылы дом серыі ККД для шматдзетных сем’яў на вуліцы Агінскага ў мікрараёне Альшанка. Тут жа закладуць дом на 120 кватэр для гэтай катэгорыі па вуліцы Багушэвіча. Фармуюцца яшчэ чатыры жыллёвыя кааператывы з гэтай катэгорыі маючых патрэбу і для іх пачнуць будаваць два дамы на 189 кватэр у новым мікрараёне Грандзічы.

Жыллё для шматдзетных сем’яў ўзводзіцца з дзяржпадтрымкай. 7 жніўня 2017 года ўступіў у сілу Указ № 240, які прадугледжвае новую форму дзяржаўнай падтрымкі асобных катэгорый грамадзян у выглядзе выплаты з бюджэту адраснай субсідыі на выплату часткі працэнтаў за карыстанне крэдытамі, якія выдаюцца банкамі на будаўніцтва жылля. У Гродне шматдзетныя сем'і могуць скарыстацца правам будаваць жыллё па сабекошце без прыцягнення льготнага крэдыту. Такая практыка ў нашым абласным цэнтры ўжытая ўпершыню ў рэспубліцы. У выніку кошт аднаго квадратнага метра такога жылля будзе на 25−30 адсоткаў танней.

Гарвыканкам таксама прапануе шматдзетным сем’ям зямельныя ўчасткі ў тых раёнах індывідуальнай жылой забудовы, дзе маюцца свабодныя плямы. Гэта ў першую чаргу Баранавічы, Забалаць, Зарыца і іншыя. З пачатку 2018 года жаданне пабудаваць уласны дом выказалі 38 шматдзетных сем’яў. Як паведаміў начальнік землеўпарадкавальнай службы гарвыканкама Андрэй Кухцюк, нядаўна запрашалі на сумоўе прадстаўнікоў 16 такіх сем’яў і сямёра з іх напісалі заяву з просьбай аб прадастаўленні зямельных участкаў.

— Кватэру мы атрымалі ў Альшанцы ў 2013 годзе, тады ў нас было двое дзяцей. Калі нарадзілася трэцяе дзіця, нам трэба было плаціць усяго 10% ад штомесячнай аплаты па крэдыце. Пасля таго, як я стала мамай у 4 раз, яе з нас цалкам знялі. Нам стала прасцей ў разы. Гэта значна палепшыла наша фінансавае становішча. А вось калі нарадзілася 5-е дзіця ў 2016 годзе, нам прапанавалі яшчэ адну кватэру, недалёка ад нашай. Многія дзівяцца таму, што ў нас пяцёра дзяцей. Так, гэта вельмі адказна і месцамі няпроста, але мы ўпэўненыя ў заўтрашнім дні, тым больш жыллём мы забясьпечаныя, ды і Альшанка — выдатны раён, — кажа Юлія Панасаюк, шматдзетная маці.

Падзяліцца

Апошнія запісы

Міліцыя Гродна склала спісы фанатаў і «дэструктыўна настроеных»

У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…

18 красавіка 2025

Новая амбулаторыя, фантаны і гарадскі забег. Што будзе на 1 траўня ў Гродне (праграма)

Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…

18 красавіка 2025

У 2024 годзе ў Гродне за распаўсюд экстрэмісцкіх матэрыялаў пакаралі 4 непаўналетніх

Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…

18 красавіка 2025

На «Гродна Азот» часта спрацоўвае пажарная сігналізацыя — датчыкі ненадзейныя

На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…

18 красавіка 2025

Для рэйсаў Гродна—Мінск закупілі кітайскіх аўтобусаў на $ 1,5 млн. Яны заменяць многія маршруткі

З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…

17 красавіка 2025

Літва забараніла перасякаць мяжу на матацыклах і мапедах — іх стала занадта шмат

Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…

16 красавіка 2025