На вуліцы Ажэшкі да канца года адкрыецца некалькі ўстаноў, дзе можна будзе перакусіць і адпачыць кампаніяй ў вячэрні час. Адно з такіх месцаў адкрыюць ўжо ў пятніцу 23 лістапада на месцы былога «Лофта.» Першы снэк-бар «JukeJoint» абяцае парадаваць гродзенцаў незвычайнай атмасферай і навінкамі ў меню.
Снэк-бар — (ад англійскага «снэк» — лёгкая закуска і бар) ўстанова, дзе можна хутка перакусіць і выпіць як гарачыя так і халодныя напоі. У выпадку з «JukeJoint» яшчэ дадаюцца і забавы для кліентаў.
Кіраўнік новагй ўстановы — малады хлопец Эрык. У яго шмат цікавых задумак і планаў, якія ён паспрабуе рэалізаваць у сваім бары ў бліжэйшы час.
«Наш бар адкрыецца 23 лістапада ў тэставым рэжыме і мы хочам даць кліентам акрамя звычайнай кухні яшчэ і шмат хуткіх закусак: нагетсы, хот-догі, гамбургеры, грыль і іншыя стравы. Таксама дадамо трохі незвычайнай тэматыкі. Будуць у нас кактэйлі і стравы „з зорачкай“ (сюрпрызам). Мы прапануем кліентам і гульні: шашкі-шоты, покер, мафію і іншыя. У цэлым задумак ў нас шмат і мы паспрабуем прынесці ў наш горад нешта новае і незвычайнае», — распавёў Эрык
Інтэр'ер бара зроблены ў лёгкім стылі, а сама ўстанова разлічана на 40 пасадачных месцаў.
«Мы хочам, каб людзі да нас прыходзілі не проста выпіць і перакусіць, але і правесці час у якой-небудзь незвычайнай атмасферы. Спецыяльна для гэтага плануем праводзіць тэматычныя вечары. Гатовыя супрацоўнічаць з маладымі музыкамі і вядомымі артыстамі», — дадаў Эрык.
Час працы:
Ндз -чт з 10 да 23
Пт-сб з 10 да 02
