У наступным годзе ў горадзе плануецца высадзіць больш за паўтары тысячы дрэваў і больш за 2,1 тысячы кустоў. Пры гэтым перавага будзе аддавацца хуткарослым і дэкаратыўным раслінам. Гродна прырасце вербамі, клёнамі, рабінамі, акацыямі, такімі хмызнякамі, як лігуструм, фарзіцыя, пузыраплоднік, кізільнік, спірэя японская і іншымі. На нарадзе ў Гродзенскім аблвыканкаме абмеркавалі план азелянення абласнога цэнтра, які закране гістарычны цэнтр, новыя мікрараёны, паркі і скверы.
Ёсць планы актыўна заняцца фармаваннем крон дарослых дрэў з дапамогай так званай верхняй абрэзкі, якая дазваляе фактычна абнавіць «ўзроставае» дрэва і надаць яму свежы, гарманічны выгляд. Ёсць намер таксама ўжыць дызайнерскі вопыт у дэкаратыўнай абразанні туй, якія могуць стаць сапраўдным упрыгожваннем горада, перадае «Гродзенская праўда».
У гістарычным цэнтры могуць з’явіцца дрэвы ў вялікіх кадках, так званыя кантэйнерныя пасадкі. Такім чынам, для расліны ствараецца спрыяльнае асяроддзе, ізаляванае ад знешняга ўздзеяння.
— Неабходна аднаўляць кожнае страчанае зялёнае насаджэнне, — падкрэсліў губернатар. — Калі пры рэканструкцыі вуліц, двароў узнікае неабходнасць выдаліць старыя, хворыя дрэвы і хмызнякі, у тых жа мікрараёнах павінны з’явіцца новыя. Горад павінен быць такім жа зялёным, якім мы бачым яго на шматлікіх фотаздымках розных гадоў. Важна прыслухоўвацца да меркавання неабыякавых гродзенцаў, якія ўважліва ставяцца да захавання зялёных зон.
Яшчэ адной зонай асаблівай увагі павінны стаць гарадскія газоны. Усюды, дзе гэта неабходна, трэба правесці аднаўленчыя работы. І ў першую чаргу на ўездах у абласны цэнтр, у прыватнасці, з боку Мінска.
Свой уклад у справу азелянення горада павінны ўнесці прадпрыемствы і арганізацыі, за якімі замацаваны прылеглыя тэрыторыі. Як стварыць гарманічныя зялёныя астраўкі, падкажуць прафесійныя ландшафтныя дызайнеры. Забяспечыць неабходным пасадачным матэрыялам — задача «Гродназелянбуда».
У гэтай важнай для Гродна і гараджан працы могуць і павінны актыўна ўдзельнічаць грамадскія арганізацыі.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…