Прасоўваць бізнес-ідэі, кансультаваць па пытаннях прадпрымальніцтва, выконваць розныя праекты будуць у вучэбна-навукова-вытворчым цэнтры «Тэхналаб». Ён адкрыўся пры ГрДУ імя Янкі Купалы на Гаспадарчай вуліцы, 23/2 ў аўторак, 6 лістапада, піша «Вячэрні Гродна».
Тэхнапарк быў створаны ў ліпені 2017 года, а ў лістападзе пачаліся работы ў будынку каля ААТ «Малочны Мір». Фінансаванне вялося ў асноўным за кошт абласнога інавацыйнага фонду.
У парку размясціліся навукова-вытворчыя лабараторыі, адміністрацыйныя офісы, канферэнц-зала, вытворчыя памяшканні. Тут будуць выяўляць інавацыйныя ідэі, дапамагаць увасабляць іх у жыццё і запускаць у вытворчасць, спрыяць іх прасоўванні на рынку.
Чакаецца, што тэхнапарк будзе прыцягваць маладых навукоўцаў да выканання розных праектаў, кансультаваць па пытаннях прадпрымальніцтва. Раскажуць, як стварыць уласнае прадпрыемства, распрацаваць бізнэс-план. У той жа час навукова-тэхналагічны парк стане базай для практыкантаў і месцам працаўладкавання студэнтаў.
У наступным годзе плануецца рэканструяваць яшчэ адзін будынак па суседстве з тэхнапаркам. Яго агульная плошча — больш за 6 тысяч квадратных метраў.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…