Вуліца Замкавая стане пешаходнай зонай. Гэта паведамілі ў час грамадскага абмеркавання генплана Гродна.
Для такога горада, як Гродна, адной пешаходнай вуліцы ў добра захаваным гістарычным цэнтры, канешне, мала. Нарэшце ўлады вырашылі пашырыць пешаходную зону і вызваліць ад машын вуліцу Замкавую. Праехаць па ёй змогуць толькі яе жыхары і спецтранспарт.
[irp posts="83 305″ name="Пустая Савецкая, тусовачная Замкавая і аншлаг на Леніна: чым жыве начны Гродна"]
На сённяшні момант самы кароткі шлях ад шпацыровай Савецкай да замкаў і Нёману больш падобны да паркоўкі, і не заўжды проста зарынтавацца, дзе сканчаецца ходнік і пачынаюцца манёўры машын. Пры гэтым на вуліцы размешчана некалькі папулярных кавярняў, амбасада, мемарыял, прысвечаны гродзенскаму гета, досыць цікавы для наведнікаў Музей гісторыі рэлігіі, — адным словам, турыстаў і простых мінакоў не бракуе ніколі. Замкавая — адна з найстарэйшых вуліц нашага горада, і ні разу не змяняла сваёй назвы.
Сквер на Замкавай знікне, а на яго месцы у межах праграмы «рэгенерацыі старога горада» з’явіцца новы гандлевы цэнтр за палацам тэкстыльшчыкаў, які мае паўтарыць разбураны «Дом рыбака». Літоўскі інвестар абяцаў, што будынак будзе знешне падобным, і што перад пачаткам будоўлі будуць праведзеныя ракопы.
[irp posts="90 907″ name="Ці стане Гродна зялёным? Прайшлі абмеркаванні экалагічнага даклада да новага генеральнага плана"]
Памяншыць напружанасць аўтамабільнага руху ў цэнтры горада плануюць за кошт пераарганізацыі парковак і правядзення вакол яго малога транспартнага кола. Стварэнне іншых пешаходных вуліц у Гродна ў будучыні працягнуць абмяркоўваць.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…