Выпадак зарэгістравалі 2 лістапада ў бадзяжнага ката каля дома 25 на вуліцы Крамко. У горадзе з’явіліся ўлёткі, якія папяраджаюць пра гэта.
Гэта не першы выпадак шаленства гэтай восенню. 1 і 2 кастрычніка ў Гродне зафіксавана адразу два выпадкі шаленства — на вуліцах Кляновай і Курчатава. Пасля гэтага было прынята рашэнне ўвесці каранцін на два месяцы, ён будзе дзейнічаць у мікрараёнах, дзе знайшлі хворых жывёл. Як кажуць эксперты, раз на пяць гадоў шаленства дае такія ўспышкі.
Шаленства — гэта вострае віруснае інфекцыйнае захворванне. Заразіцца ім можна праз укус ці слюну хворай жывёлы — як вулічнай, так і хатняй. Шаленства адносіцца да абсалютна смяротных для чалавека захворванняў. Лячыць яго да гэтага часу не навучыліся. Штогод у свеце ад віруса шаленства гінуць 55 тысяч людзей.
— строга выконваць правілы ўтрымання сабак, кошак і іншых жывёл, штогод рабіць ім прышчэпкі ад шаленства;
— пазбягаць кантактаў з дзікімі жывёламі, якія заходзяць у населеныя пункты;
— не дапускаць камунікацыі хатніх жывёл з бадзяжнымі;
— калі знайшлі, не чапайце трупаў жывёл, не здымайце шкуру і паведаміце пра іх у ветслужбу;
— калі вас укусілі, прамыйце рану мыльным растворам, накладзіце сухую павязку і пракансультуйцеся наконт прышчэпак супраць шаленства. Дарослыя — у БХМД, дзеці - у Гродзенскай абласной дзіцячай клінічнай бальніцы.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…