Пра гэта ў эфіры тэлеканала «Гродна» паведаміў начальнік рэгіянальнай ДАІ Уладзімір Назарка, піша kraj.by.
«За ўсю гісторыю ў кіроўцы — 130 парушэнняў. За апошнія два гады — больш за 30. З іх 27 — парушэнне хуткаснага рэжыму», — распавёў Уладзімір Назарка
Ён таксама адзначыў, што кіроўцу за паўторнае перавышэнне хуткасці двойчы пазбаўлялі права кіравання транспартнымі сродкамі.
Нагадаем, 18 кастрычніка каля 19.40 46-гадовы жыхар Гродна, кіруючы маршруткай «Мерсэдэс Бенз», на 74-м кіламетры аўтадарогі Мінск — Гродна не ўлічыў дарожную абстаноўку і ўрэзаўся ў раздзяляльную бетонную агароджу. Двое пасажыраў загінулі. Кіроўца і 13 пасажыраў шпіталізаваны. У дачыненні да кіроўцы ўзбуджаная крымінальная справа па ч.3 арт. 317 «Парушэнне правілаў дарожнага руху, што пацягнула па неасцярожнасці смерць двух чалавек» КК Беларусі.
У сувязі са значным ростам аўтааварый, у якіх людзі гінулі і атрымлівалі траўмы, з 24 і па 26 кастрычніка ДАІ ў мэтах прафілактыкі ДТЗ правядуць масіраваную адпрацоўку асноўных магістральных аўтадарог Гродзенскай вобласці.
Пад асаблівую ўвагу возьмуць перавышэнне хуткасці і парушэнняў правілаў абгону па М6, дзе ідуць дарожныя работы. Супрацоўнікі выкарыстаюць галосны і змешаны кантроль над выкананнем ПДР.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…