Саўладальнік панчошна-шкарпэткавай кампаніі «Контэ Спа» Валянцін Байко, які на працягу апошніх гадоў інвестуе у вытворчасць эка-прадуктаў і альтэрнатыўную энергетыку, разам з партнёрамі запусціў у Шчучыне буйную вытворчасць шампіньёнаў, піша «Заўтра тваёй краіны».
Магутнасці кампаніі «Логан-Бія», у якую было інвесціравана больш за 10 млн рублёў, разлічаны на вытворчасць 2,4 тыс. тон грыбоў у год.
Для параўнання: паводле інфармацыі з афіцыйнага сайта, вытворчасць найстарэйшага і найбуйнейшага вытворцы шампіньёнаў ў Беларусі - брэсцскай кампаніі «Бонше» складае 9 тыс. тон прадукцыі ў год.
Новая вытворчасць у сваёй збытавай палітыцы арыентуецца на расійскі рынак. Хоць з ліпеня гэтага года Расія і Беларусь знаходзяцца ў стане «шампіньёнавай вайны» — Рассельгаснагляд забараніў ўвоз гэтых грыбоў з тэрыторыі Беларусі ў сувязі з падазрэннем, што адно з беларускіх прадпрыемстваў займалася рээкспартам забароненай да ўвозу ў Расію польскай прадукцыі. Па выніках праверкі дзевяці беларускіх шампіньёнавых ферм на двух прадпрыемствах былі выяўленыя неадпаведнасці аб’ёмаў вытворчасці, заяўленых беларусамі. Тром фермах, у тым ліку «Бонше», было дадзены «зялёнае святло» на экспарт. У справаздачы Рассельгаснагляду згадвалася і кампанія «Логан-Бія» як адно з трох, якія яшчэ толькі рыхтуюцца да запуску, вытворчасцяў.
Паводле дадзеных Нацыянальнага статыстычнага камітэта Беларусі, у студзені-ліпені гэтага года Беларусь сапраўды нарасціла экспарт грыбоў. Ён вырас з 10,2 тыс. тон (13,6 млн даляраў) за аналагічны перыяд 2017 года да 18,4 тыс. тон (23,1 млн даляраў). Пры гэтым імпарт, у якім па падазрэнні Рассельгаснагляду «схаваны» рээкспарт на расійскую тэрыторыю, скараціўся з 19,9 тыс. тон (28,5 млн даляраў) да 14,5 тыс. тон (20,4 млн даляраў). Прычым аснову яго складаюць ужо не польскія «забароненыя» шампіньёны (у 2017 годзе — 14, 9 тыс. тон), а завоз з Турцыі, які пачаўся з гэтага года. Турэцкі імпарт склаў 10 тыс.тон.
Запуск Валянцінам Байко «Логан-Бія», магчыма, зменшыць градус падазрэнняў расійскага ведамства да Беларусі як да «краіны шампіньёнаў». Для самога бізнэсмэна інвестыцыі ў вытворчасць экалагічных тавараў становяцца адным з важных напрамкаў дзейнасці. У 2014 годзе ён зарэгістраваў фермерскую гаспадарку «Здаровы свет», на ўгоддзях якога ў Гродзенскім раёне вырошчвае экалагічна чыстыя садавіну і гародніну, а пазней арганізаваў на землях Бераставіцкага раёна прамысловая вытворчасць трускаўкі, маліны, чорнай парэчкі па арганічным тэхналогіях.
У гродзенскай школе праводзілі конкурс малюнкаў да Дня Перамогі 9 траўня. У адным з чатаў…
Перад Вербнай нядзеляй у касцёле святога Арханёла Міхаіла ў Навагрудку асвяцілі падарунак - абразы святых…
У Гродне на вуліцы Дальняй, 17, прадаецца дом з незвычайным інтэр'ерам, які месцамі нагадвае тэатральныя…
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…