Напярэдадні матчу «Нёман» — «Айсбарэн», які пройдзе ў Гродне ўвечары 16 кастрычніка на штучным полі ЦСК «Нёман» згулялі ў футбол фанаты гэтых каманд. Сяброўскі паядынак скончыўся з лікам 5:5.
«Каб пасябраваць з хлопцамі з Германіі мы вырашылі правесці з імі футбольны матч, — распавядае прадстаўнік фан-руху „Нёмана“ Сяргей Емяльянаў. — Напісалі ім за некалькі дзён, яны прыехалі і мы сыгралі. У выніку сяброўская нічыя. Такі матч (менавіта сярод хакейных фанатаў Беларусі) у нас першы раз прходзіў».
Плануецца, што на матчы з «Нёманам» нямецкую каманду будзе падтрымліваць больш за 100 заўзятараў. Пачатак матчу ў 19:00.
