Забарона на аматарскае рыбалоўства ўводзіцца на участках Нёмана і Аўгустоўскага канала з 15 кастрычніка, піша БЕЛТА.
З 15 кастрычніка да 15 красавіка забараняюць аматарскае рыбалоўства на ўчастку Нёмана ў раёне водазабору каўшовага тыпу ААТ «Гродна Азот» каля вёскі Пагараны Гродзенскага раёна. Пад забарону трапіў ўчастак працягласцю ў 50 м ад межаў водапрымальнага каўша водазабору уверх і ўніз па плыні, а таксама тэрыторыя водазабору.
Акрамя таго, забарона на аматарскае рыбалоўства уведзена на ўчастку Аўгустоўскага канала на адлегласці 350 м ад месца яго ўпадзення ў Нёман да далёкага ад ракі краю бетоннага прычала для судоў «Дмісевічы».
Абмежаванні тут таксама будуць доўжыцца да 15 красавіка. У выпадку незаконнай здабычы парушальніку пагражае адміністрацыйная адказнасць у выглядзе штрафу ў памеры ад 20 да 50 базавых велічынь (1 БВ цяпер — Br24,5), таксама давядзецца пакрыць нанесеную навакольнаму асяроддзю шкоду.
Напрыклад, за адну асобіну судака — 18 базавых велічынь (Br441), ляшча або шчупака — 9 БВ (Br220,5). За акуня, плотку або гусцёрак прыйдзецца пакрыць 3 базавыя велічыні (Br73,5). Больш падрабязную інфармацыю можна атрымаць у Гродзенскай абласной інспекцыі аховы жывёльнага і расліннага свету па тэлефоне
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…