У Музеі гісторыі Гарадніцы 12 кастрычніка адкрылася выстаўка «Ігар Адасік. Мае хобі», якая пазнаёміць з калекцыямі, якія гродзенец збіраў з 2004 года.
На выстаўцы прадстаўлены калекцыйныя мадэлі ваеннай тэхнікі часоў Другой сусветнай вайны, выкананыя аўтарам у розных маштабах. Таксама будзе прадстаўлена калекцыя музычных інструментаў розных краін і макеты архітэктурных збудаванняў уласнай распрацоўкі Ігара Адасіка.
«У Музеі гісторыі Гарадніцы я ўжо выстаўляўся ў мінулым годзе разам з іншымі калекцыянерамі. Пасля гэтага мне прапанавалі арганізаваць персанальную выставу. На выставе можна ўбачыць больш за 150 мадэляў ваеннай тэхнікі часоў Другой сусветнай — большасць з якіх зрабіў я сваімі рукамі, незвычайныя музычныя інструменты, а таксама некаторыя працы з праекту «Замкі Беларусі», — распавёў Ігар Адасік.
Ігар Адасік нарадзіўся ў Слоніме. З дзяцінства захапляўся мадэляваннем, клеіў паменшаныя копіі аўтатэхнікі і тэхнікі часоў Другой сусветнай вайны. Скончыў Гродзенскі дзяржаўны ўніверсітэт па спецыяльнасці інжынер-прыборабудаўнік. Жыве ў Гродне і працуе інжынерам сродкаў радыё і тэлебачання ў РУП «Белтэлекам».
Выстава будзе доўжыцца да сярэдзіны снежня. Цана білета — 30 капеек.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…