2 кастрычніка арганізацыі «ВелаГродна» споўнілася пяць гадоў. Хоць сабраліся яны яшчэ ў 2011, каб «не проста катацца, а заяўляць аб правах і інтарэсах веласіпедыстаў». Зараз сябры арганізацыі ўжо будуюць планы на новую пяцігодку, а Гродзенскі Зелёный партал успамінае, што хлопцы і дзяўчаты паспелі зрабіць за пяць гадоў.
«Суседзі» — вядомы і буйны веламарафон, у якім могуць удзельнічаць і спартсмены, і аматары. Многія людзі ўпершыню спрабуюць сябе на ім, а некаторыя рыхтуюцца некалькі месяцаў, каб узяць прызавыя месцы. Мерапрыемства прыцягвае і дзяцей гадоў шасці, і падлеткаў, і пенсіянераў.
Гэтай вясной прайшлі першыя велаэкскурсіі па гістарычным цэнтры горада і на фарты. У планах — больш велаэкскурсій.
Аматарская каманда «ВелаГродна» існуе не першы год, паспяхова прадстаўляючы абласны цэнтр у Беларусі і за мяжой. Каманда ўдзельнічае ў марафонах у Беларусі, Польшчы, Літве. Хлопцы ездзяць на «Maratony Kresowe» у Польшчы і «Суседзi», «Налібокі» і «Тры Вярсты» у Беларусі.
Маунцінбайк з 1996 года стаў Алімпійскім відам спорту. Пакуль беларусы не прымаюць удзел у Алімпійскіх гульнях па гэтаму віду спорту. У камандзе «ВелаГродн» лічаць, што пераможцаў Чэмпіянату Беларусі па маунцінбайке трэба вывозіць на міжнародны ўзровень. Веласіпедысты спадзяюцца, што ў Гродне хутка з’явяцца спецыялізаваныя секцыі па маунцінбайку, дзе дзеці змогуць развівацца і мэтанакіравана рыхтавацца да спаборніцтваў.
З 12 верасня ў Гродне вучаць веласіпедыстаў-пачаткоўцаў. У школу могуць прыходзіць і дзеці, і дарослыя. За тры заняткі дасведчаны трэнер абяцае навучыць жадаючых ездзіць на ровары. Заняткі праводзяцца бясплатнай аснове. Навучэнцам выдаюць ровар і шлем.
З падачы «ВелаГродна» гэтым летам аўтобусы, якія едуць на Аўгустоўскі канал, абсталявалі мацаваннем для ровараў. Яно разлічана на пяць ровараў. За паслугі дадаткова плаціць не трэба. Дастаткова аплаціць праезд.
Велаінфраструктура — галоўная мэта «ВелаГродна». У снежні 2017 у Гродзенскім гарвыканкаме быў створаны Савет па развіцці веларуху. Туды ўваходзіць каля 20 удзельнікаў: прадстаўнікі гарвыканкама, будаўнічых арганізацый, грамадскіх аб’яднанняў.
Пакуль у планах арганізацыі прыбраць высокія бардзюры. І сачыць за будучым будаўніцтвам, каб падказваць, дзе будуць патрэбныя веладарожкі. Гэтая праца пакуль нябачная, але праз некалькі гадоў катацца па гродзенскіх вуліцах стане значна зручней.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…