У цэнтры Гродна спартсмены і аматары спаборнічалі ў хадзе і бегу

У суботу 6 кастрычніка ў цэнтры Гродна прайшлі два масавыя спартыўныя мерапрыемства: міжнародныя спаборніцтвы па спартыўнай хадзе памяці срэбранага прызёра Алімпійскіх гульняў 1980 года Пятра Пачынчука і лёгкаатлетычны прабег «Grodno Run». У кожным з стартаў прыняло ўдзел больш за сотню чалавек.

Разам з міжнароднымі спаборніцтвамі памяці славутага гродзенскага спартсмена прайшло і першынство вобласці па спартыўнай хадзе. Спаборнічалі скараходы на дыстанцыях ад 1 да 20 км.

Пасля спартыўнай хады пачаўся прабег «Grodno Run». На старт выйшлі не толькі знакамітыя спартсмены Гродзеншчыны, але і аматары бегу з розных гарадоў Беларусі і блізкага замежжа. Усяго ў пяцікілямэтровай дыстанцыі бегла 118 чалавек. Лепшым у прабегу стаў Генадзь Верхаводкін. Дыстанцыю ён прабег за 15 хвілін 43 секунды.