На ЦСК «Нёман» з 19 па 22 верасня праходзіў чэмпіянат Беларусі па цяжкай атлетыцы. У гэтым годзе каля 170 наймацнейшых цяжкаатлетаў з усёй краіны з’ехаліся ў горад над Нёманам і змагаліся ў дваццаці вагавых катэгорыях.
Чэмпіянат Беларусі ў Гродне праходзіў ужо ў шосты раз, але гэта першыя спаборніцтвы пасля сыходу з жыцця арганізатара і галоўнага суддзі Аляксандра Курловіча. Нагадаем, гродзенскі алімпіец памёр у красавіку гэтага года. Арганізатары спаборніцтваў прыклалі максім намаганняў, каб захаваць высокі ўзровень правядзення спаборніцтваў, які быў закладзены чэмпіёнам з Гродна.
Па выніках чэмпіянату ў Гродне будзе сфарміравана нацыянальная зборная Беларусі, якая адправіцца на чэмпіянаты Еўропы і свету.
«На чэмпіянаце досыць нядрэнна сябе зарэкамендавала моладзь. Прыкладна чалавек пяць, якія канкурэнтаздольныя па міжнародных мерках, — распавядае галоўны трэнер мужчынскай нацыянальнай каманды Беларусі Віктар Шэршукоў. — У цэлым было шмат удзельнікаў ва ўсіх вагавых катэгорыях. Праз тры тыдні наша моладзь едзе на чэмпіянат Еўропы, а потым у спартсменаў чэмпіянат свету. Напярэдадні вялікіх стартаў праводзіць падобныя спаборніцтвы трэба адназначна ў Гродне, тут ужо ўсё накатана. На жаль Сашы Курловіча няма, але ўзровень спартсменаў і падрыхтоўка не ўпала. Умовы цудоўныя для спаборніцтваў, адміністрацыя горада ідзе нам на сустрэчу».
Таксама Віктар Шэршукоў адзначыў, што ёсць сур’ёзныя перадумовы да таго, каб арганізаваць у Гродне міжнародны турнір памяці Аляксандра Курловіча. Турнір можа быць ліцэнзійным, сусветная федэрацыя цяжкай атлетыкі ўжо падтрымала гэтую ініцыятыву.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…