Першы рэстаран хуткага харчавання KFC можа адкрыцца ў гандлёвым цэнтры «Triniti» ў канцы 2018 года. У інтэрнэце ўжо з’явіліся вакансіі ў гродзенскім фастфудзе.
У маркетынгавай службе «Бел Фуд Сэрвіс» пацвердзілі журналісту Hrodna.life інфармацыю, што KFC прыходзіць у Гродна і што цяпер ідзе набор персаналу. Дзе дакладна адкрыецца рэстаран, сказаць пакуль не змаглі.
Верагодней за ўсё, рэстаран адкрыецца ў гандлёвым цэнтры «Triniti». Першую частку будаўніцтва там плануюць здаць яшчэ ў гэтым годзе. Астатняе — паэтапна ў 2019 годзе.
Генеральны дырэктар «БелФудСервіс» (фірма кіруе франшызай KFC у Беларусі) Сяргей Дуцін яшчэ ў 2017 годзе казаў аб развіцці сеткі ў рэгіёнах, у тым ліку і ў Гродне.
«Гродна — выдатны горад, але там няма маштабных гандлёвых цэнтраў, дзе мы маглі б адкрыць рэстаран. Тым не менш, зараз у Гродне ідзе актыўнае будаўніцтва цэнтраў, якія могуць цалкам адпавядаць нашым крытэрам. Да таго ж у Гродне ёсць шмат вакантных зямельных участкаў, ды і шчыльнасць забудовы там значна ніжэй, чым у Мінску», — казаў тады Сяргей Дуцін.
На той момант кампанія займалася маніторынгам горада і абяцала прыняць рашэнне яшчэ да канца 2017 года.
[irp posts="81 033″ name="Гандлёвы цэнтр, падземны паркінг і яшчэ адзін Burger King — што з’явіцца на пляцоўцы насупраць аўтавакзала"]
KFC — амерыканская сетка фаст-фуда, якія спецыялізуецца на стравах з курыцы. KFC — другая па гандлёвым абароце сетка фаст-фуду ў свеце, якая саступае толькі McDonald’s.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…