За два месяцы фільм пакажуць у 20 гарадах і 36 кінатэатрах па ўсёй краіне. У Гродне фільм-сенсацыю гэтага лета прадставіць сама рэжысёр Дар’я Жук. Паказ пройдзе ў межах кінаклуба «Ракурс» 6 верасня ў 19.00 у кінатэатры «Чырвоная зорка».
Дзеянне фільма адбываецца ў 90-я гады ў Беларусі. З-за памылкі друку ў падробленай анкеце на амерыканскую візу маладая дзяўчына-дыджэй аказваецца ў завадскім мястэчку Хрустальны. Там яна збіраецца дамагчыся выканання сваёй «амерыканскай мары».
Сусветная прэм’ера фільма адбылася ў чэрвені гэтага года на Міжнародным кінафестывалі ў Карлавых Варах, дзе карціна адкрыла конкурсную секцыю «Да Усходу ад Захаду». У ліпені «Хрусталь» атрымаў Гран-пры на міжнародным кінафестывалі ў Адэсе, а ў жніўні атрымаў два прызы у конкурсе «Копродукция. Окно в мир» на фестывалі расійскага кіно. У дадзены момант фільм Дар'і Жук запрошаны на больш чым 20 кінафестываляў па ўсім свеце. Стужка «Хрусталь» ўвайшла ў спіс конкурсу «Панарама». Разам з ім у конкурсе будуць прадстаўлены «Крамныя зладзюжкі» Хіракадзу Карээда, «Попел — самы чысты белы» Цзя Чжанке і «Халодная вайна» Паўла Паўлікоўскага.
www.youtube.com/watch?v=sutSsRipaIg&feature=youtu.be
Станоўчыя водгукі аб карціне напісалі выдання Hollywood Reporter, Screen International, Variety, «Коммерсантъ» і многія іншыя. Расійскі кінакрытык Андрэй Плахаў пасля прэм’еры ў Карлавых Варах напісаў: «Карціна іншай дэбютанткі Дар'і Жук «Хрусталь» дае выразны вобраз беларускай глыбінкі ў дваццацігадовай рэтрапраекцыі. Юная гераіня, альтэр-эга рэжысёра, хоча бегчы з Мінска, але ў барацьбе за амерыканскую візу яе заносіць ў пасёлак Хрустальны, дзе Мінск пачынае здавацца Нью-Ёркам. Дзяўчына падвяргаецца фізічнаму гвалту і маральнаму прэсінгу, яшчэ больш мацуецца ў сваім імкненні да свабоды, але і усведамляе яе высокую цану, — яшчэ адзін небанальны сюжэт, з драйвам разгуляны на тэрыторыі «Да Усходу ад Захаду».
Паказы пачнуцца 30 жніўня. Пракат фільма ажыццяўляецца Цэнтрам візуальных і выканальніцкіх мастацтваў «АРТ Карпарэйшн» ў рамках праекта «Лістапад. Калекцыя». Генеральны партнёр пракату ў Беларусі - EPAM Systems.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…