Другім навабранцам «Нёмана» гэтым летам стаў нападнік Глеб Рассадкін. Гродзенскі клуб дасягнуў дамоўленасці з крапіўніцкай «Зіркай» аб паўгадавой арэндзе 23-гадовага футбаліста.
Да пераходу ў верасні мінулага года ў «Зірку», нападнік абараняў колеры мінскага «Дынама». Сваю кар’еру Глеб пачынаў у 2011 годзе як гулец дублюючага складу сталічнага клуба, а дэбют гульца ў асноўнай камандзе «Дынама» адбыўся ў 2012 годзе. За перыяд выступу ў складзе мінчан ён адыграў 56 матчаў, у якіх адзначыўся шасцю выніковымі ўдарамі.
Акрамя выступаў на клубным узроўні, Глеб мае на сваім рахунку матчы за юнацкія (U17 — 16 матчаў, 6 галоў; U19 — 14 матчаў, 4 галы) і маладзёжную зборную Беларусі (17 матчаў, 1 гол).
Рассадкін далучыўся да «Зіркі» у верасні мінулага года і правёў за гэты час у камандзе 16 афіцыйных матчаў і вызначыўся 2 разы.
За жнівень гродзенцы здолелі ўзмацніцца яшчэ адным футбалістам — сербскім абаронцам Міхайла Ёванавічам, а таксама страціць аднаго з лідэраў - Мукама.
Нагадаем, 17 жніўня аднаўляецца чэмпіянат Беларусі ў Вышэйшай лізе. У гэты Дзень «Нёман» адправіцца ў Магілёў, дзе сустрэнецца з мясцовым «Дняпром».
Пасля 17-ці тураў гродзенская каманда займае 8-е месца ў турнірнай табліцы і мае ў сваім актыве 25 ачкоў.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…