У нядзелю 29 ліпеня з Гродзенскага аўтавакзала на Аўгустоўскі канал адправіўся першы аўтобус з мацаваннем для ровараў. Тэставалі навінку прадстаўнікі аб’яднання «ВелаГродна» Ігар Хамяк і Андрэй Шавель.
Пра тое, што аўтобусам на Аўгустоўскі канал патрэбныя мацаванні для ровараў, прадстаўнікі «ВелаГродна» казалі яшчэ некалькі гадоў таму. Але аўтобусны парк адрэагаваў толькі зараз.
Мацаванне на аўтобусе разлічана на пяць ровараў. У тэставы дзень паслугай скарысталіся тры чалавекі. Аўтобусны парк пазіцыянуе сябе як бясплатны перавозчык ровараў.
«Трэба заплаціць толькі за месца ў аўтобусе, — распавядаюць раварысты з „ВелаГродна“. — У такой навінцы горад даўно меў патрэбу. У будучыні хацелася б нейкую бронь стварыць, каб можна было загадзя займаць месца для ровараў і ведаць, што дакладна з’едзеш. Мацаванне для ровараў добрае, можна не турбавацца».
Каб скарыстацца функцыяй мацавання ровара трэба падысці да кіроўцы аўтобуса перад паездкай і паказаць білет.
Аўтобус з мацаваннем пакуль ездзіць толькі па выходных — тры разы на дзень. Цана білета ад аўтавакзала да канала — 2,89 руб.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…