Больш за тыдзень на вуліцы Найдуса вядзецца археалагічны нагляд. Будаўнікі пракладваюць там трасу водазабеспячэння. Вядучы супрацоўнік Гродзенскага гісторыка-археалагічнага музея Наталля Пачобут вывучае выяўленыя падвалы, а таксама некаторыя знаходкі больш ранняга перыяду.
«Падчас работ выявілі падвал будынка, хутчэй за ўсё 19 стагоддзя. Можна меркаваць, што гэта звычайная пабудова, — распавядае Наталля Пачобут. — Былі і іншыя знаходкі больш ранняга перыяду, але падрабязная інфармацыя будзе пасля дэталёвага вывучэння.
Сёння наша задача — максімальна даследаваць усе напластаванні на аб’екце, ад самых ранніх 17 стагоддзя да смецця 20 стагоддзя. Знаходкі 17 стагоддзя ніяк не адносяцца да выяўленых падвалаў".
«Было вырашана захаваць падвальныя нішы старой пабудовы, акрамя адной, якую часткова разбяруць і пракладуць камунікацыі. Іх будуць пракладаць акуратна ўнізе, каб не пашкодзіць канструкцыю», — адзначыла спецыялістка.
Згодна з міжваеннай мапай Гродна, на месцы, дзе зараз вядуцца работы, стаяў будынак. На аэраздымках 1944 года там ужо нічога няма. Можна лічыць што будынак быў разбураны падчас Другой сусветнай вайны.
Дарэчы, Наталля Пачобут зусім нядаўна стала сакратаром савета па ахове гісторыка-культурнай спадчыны пры Гродзенскім аблвыканкаме. Яна кажа, што цяпер у Гродне ніхто ўжо не будзе па-варварску працаваць з помнікамі гісторыі.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…