З уводам у строй БелАЭС будуць змяншаць кошт электраэнергіі для прадпрыемстваў, а для насельніцтва — павышаць, заявіў віцэ-прэм'ер рэспублікі Уладзімір Сямашка ў інтэрв'ю газеце «Астравецкая праўда». Так беларусы будуць адыходзіць ад перакрыжаванага субсідзіравання.
— У Беларусі сёння самы нізкі тарыф на электраэнергію для насельніцтва. На Захадзе насельніцтва плаціць за электраэнергію ў два-тры разы больш, чым прамысловыя прадпрыемствы, — сказаў Сямашка.
Ён таксама прывёў прыклад: у Германіі прамысловыя прадпрыемствы плацяць за кілават-гадзіну каля 8,5 цэнта, а простыя грамадзяне — 27 цэнтаў. У той жа час у Беларусі склалася іншая сітуацыя: для ААТ «МАЗ» кілават-гадзіну абыходзіцца ў 11,5 цэнта, а насельніцтву — 5 цэнтаў. «Таму тарыф для насельніцтва паступова будзе падымацца — вядома ж, не абы-як, а па меры росту рэальнай заработнай платы», — удакладніў Сямашка.
Па словах чыноўніка, цяпер насельніцтва плаціць за электраэнергію каля 80% яе сабекошту, а павінна аплачваць яе рэальны кошт. Пры гэтым у мінулым годзе ў Мінэнерга заяўлялі, што з уводам БелАЭС тарыфы на электраэнергію для насельніцтва будуць зніжаны.
БелАЭС будуецца каля мястэчка Астравец ў Гродзенскай вобласці. Ўзвядзенне станцыі вядзецца пры ўдзеле спецыялістаў з РФ. Усяго будзе пабудавана два энергаблокі па расейскім праекце сумарнай магутнасцю да 2400 мегават. Першы энергаблок плануецца ўвесці ў строй у 2019 годзе, другі - праз год.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…