Амерыканскі яўрэй Сымон Левінгер прыехаў у Гродна з незвычайнай місіяй. Яго задача — знайсці даваенную мапу Слоніма, якую ўжо некалькі гадоў не можа адшукаць ні ён, ні яго сябры. Мапа патрэбна для аднаўлення і вывучэння старых яўрэйскіх могілак у Слоніме.
Шукаць мапу Сымон прыехаў са сваім сябрам Ёсі Галінскім з Ізраіля.
«Мы хочам вызначыць межы могілак. Нам патрэбна для гэтага старая кадастравая мапа Слоніма, але яе нідзе няма, — распавядае Сымон. — Я не мільянер, але гатовы добра заплаціць чалавеку, які дапаможа нам з мапай».
За суткі гродзенцы перадалі Сымону некалькі старых карт Слоніма: сярэдзіны 19 стагоддзя і першай паловы 20 стагоддзя. Але нічога не пасуе. Амерыканец мае патрэбу ў падрабязнай кадастравай мапе. Ён упэўнены, што яна існуе.
Вывучэннем могілак у Слоніме Сымон займаецца тры гады. Ужо амаль год ён праводзіць там раскопкі і нават здолеў знайсці магілу вядомага праведніка Абрагама Вайнберга. Вядома, што галоўныя яўрэйскія могілкі ў Слоніме былі вялікія, з мноствам пахаванняў. Падчас нямецкай акупацыі і ў пасляваенныя гады могілкі разбурылі і пабудавалі недалёка школу, а на пахаваннях з’явіліся спартыўныя пляцоўкі.
Некалькі гадоў таму Сымон прывёз у Беларусь унікальнае міжваеннае відэа Слоніма, якое зрабіў слонімскі эмігрант Саламон Шенберг-Левада, калі вярнуўся на радзіму з Палестыны, куды выехаў у канцы XIX стагоддзя.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…