Не так даўно беспрацоўныя, зарэгістраваныя ў цэнтры занятасці, стаялі ў чарзе за патрэбнымі вакансіямі. Цяпер сітуацыя ў корані змянілася. Працадаўцы ў пошуках супрацоўнікаў прыходзяць нават на курсы перападрыхтоўкі, і прапануюць кантракт прама на экзамене. Прычына ў значным зніжэнні сушукальнікаў працы.
Ва ўпраўленні па працы, занятасцi i сацыяльнай абароне кажуць, што назіраецца дысбаланс ў попыце і прапанове рабочай сілы. З аднаго боку, колькасць беспрацоўных памяншаецца, з іншага — ёсць рост попыту на працоўную сілу. На 1 ліпеня ў базе службы занятасці ёсць больш чым 2600 вакансій. Умоўна на аднаго беспрацоўнага прыпадае больш за тры вакансіі.
Сёння на ўліку ў службе занятасці 742 беспрацоўных. Для параўнання, у пачатку года гэтая лічба была на траціну вышэй, перадае «Гродна Плюс». Больш за ўсё прапаноў па вакансіі «вадзіцель» — каля 180 прапаноў. У асаблівай пашане кіроўцы з правамі катэгорыі «Д». Сярэдняя зарплата, якую прапаноўваюць кіроўцам, — тысяча беларускіх рублёў.
Не менш запатрабаваныя медсёстры, лекары, прадаўцы і кухары. На кожную з гэтых прафесій прапануецца на выбар больш за 80 працоўных месцаў. Зарплата залежыць ад кваліфікацыі, стажу і катэгорыі. Вялікая колькасць прапаноў у базе дадзеных і ў сферы будаўніцтва. Дарэчы, тут у асноўным працаўладкоўваюць мужчын сярэдняга ўзросту, а гэта самы вялікі працэнт беспрацоўных у Гродне. Нямала прапаноў для рэкламных агентаў, бухгалтараў і выхавальнікаў.
www.youtube.com/watch?v=Risg2XiZzec
У цэнтры занятасці можна бясплатна прайсці навучанне больш чым па 25 спецыяльнасцях. Заняткі як тэарэтычныя, так і практычныя, працягласць — тры месяцы. З першага дня слухачы атрымліваюць стыпендыі, ім гарантавана працаўладкаванне. З пачатку года такім чынам ужо былі ўладкаваныя на працу дзве тысячы беспрацоўных.
Але ёсць і яшчэ адзін спосаб ўладкаваць сваё жыццё для тых, хто знаходзіцца ў статусе беспрацоўнага. Штогод у Гродне каля 70 беспрацоўных карыстаюцца магчымасцю атрымаць безнаяўную субсідыю на адкрыццё сваёй справы.
Атрымаць безнаяўную субсідыю, роўную у эквіваленце тысячы умоўных адзінак, можа любы жадаючы. Праўда, з невялікімі агаворкамі. Неабходная рэгістрацыя ў цэнтры занятасці і наяўнасць гатовага і, галоўнае, жыццяздольнага бізнес-плана. Дарэчы, дапамагчы з яго складаннем могуць на бясплатных курсах, арганізаваных тут жа ў цэнтры занятасці.
Рэйтынг найбольш заможных ідэй ўзначальвае сфера будаўніцтва. Кожны чацвёрты слухач прадпрымальніцкіх курсаў пасля ўкладае менавіта ў яе. У тройцы лідэраў рамонт бытавых вырабаў, гандаль і рамесная дзейнасць. У выпадку паспяховай рэалізацыі праекта вяртаць субсідыю ня трэба. А вось калі на працягу года новаспечаны прадпрымальнік зачыніў ІП, грошы выдадзеныя на стартап неабходна вярнуць дзяржаве.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…