Пакаштаваць стравы грузінскай нацыянальнай кухні зараз можна ў Гродне. На пачатку ліпеня ў цэнтры горада адкрылася новае кафэ «Старый Тбилиси». Пад гукі грузінскай музыкі тут можна пачаставацца хінкалі ці хачапуры, альбо замовіць грузінскае віно.
«Сапраўдныя хінкалі маюць быць вельмі сакавітымі» — распавялі карэспандэнту Hrodna.life у новым кафэ. -Таму есці іх нажом і вілкай не атрымаецца". Аказваецца, хінкалі трэба браць наўпрост пальцамі за «хвосцік» з цеста і есці рукамі. У такім выпадку сок не разальецца і вы зможаце адчуць увесь букет смакаў стравы. А сам «хвосцік» з цеста есці ўжо не абавязкова.
Каб наведвальнікі не забыліся пра гэтая правілы, яны напісаны на цішотцы бармэна:
«Ніколі, чуеце, ніколі не ешце хінкалі з відэльцам і нажом! Гэта правал!»
У меню установы прапануюць два віды хачапуры. Па-менгрэльску, што больш падобна на пірог з сырам, і па-аджарску, у форме лодачкі з сырым яйкам паверх запечанага сыру. Гэтыя стравы ў Грузіі таксама ядуць рукамі. Відэлец выкарыстоўваюць толькі каб перамяшаць сырое яйка з сырам. А пасля можна адламваць кавалачкі і макаць у гэта начынне.
«У нас ёсць далма с вінаградным лісцем, ёсць рыба кіндзмарш, што гатуецца з кінзой і вінным воцатам, баклажаны з арэхамі і шмат іншых грузінскіх смакотак» — запэўнікі ў кафэ. Казалі, што калі падчас ежы заплюшчыць вочы, то можна ўявіць сябе ў Грузіі." Для падмацавання ўражання раяць таксама замовіць кілішак віна.
Знайсці новае кафэ не складана. Яно месціцца паміж гандлёвым домам «Баторый» і гасцініцай «Нёман», недалёка ад Савецкай плошчы.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…