Група заўзятараў з Варшавы прыехала ў Гродна раніцай 18 ліпеня і толькі на некалькі гадзін затрымалася ў беларускім горадзе. Адсюль палякі адправіліся прамым цягніком у Маскву на чэмпіянат свету, дзе 19 чэрвеня зборная Польшчы сустрэнецца са зборнай Сенегала.
За некалькі гадзін польскія заўзятары паспелі пазнаёміцца з Гродна і паспрабавалі беларускае піва. З цэнтра Гродна да чыгуначнага вакзала палякі ўжо ішлі з гучнымі спевамі ў гонар сваёй зборнай. Нягледзячы на варожасць польскіх і расійскіх заўзятараў, хлопцы з Варшавы ехаць у Расію не баяцца.
https://www.instagram.com/p/BkK-SNeBNrX/?taken-by=raslkulevich
«Мы едзем у Маскву на чэмпіянату свету, каб падтрымаць нашу зборную ў матчы супраць Сенегала. Ехаць не баімся — мы настроены вельмі пазітыўна. Няма ніякіх думак агрэсіўных. Галоўная задача — падтрымка каманды», — распавёў заўзятар Роберт.
Адзін квіток на матч чэмпіянату свету для заўзятараў з Польшчы каштаваў каля 400 злотых. Чакаецца, што на матчы з Сенегалам у Маскве зборную Польшчы будзе падтрымліваць як мінімум 3000 заўзятараў.
