Каля 14.00 у Каробчыцах ўпаў невялікі лёгкі аднаматорны самалёт. Інфармацыю пра гэта пацвердзілі ў Гродзенскім абласным упраўленні МНС. Там адзначылі, што самалёт Zlin 42M 1975 года выпуску здзейсніў аварыйную пасадку. Пілот выбраўся з самалёту самастойна, пасажырам спатрэбілася дапамога ратавальнікаў, піша БелТА.
Супрацоўнікі МНС пры дапамозе спецыяльнага інструмента дэблакіравалі мужчыну. Ободва члена экіпажу пасля агляду брыгады хуткай дапамогі былі шпіталізаваны. Самалёт дэфармаваны.
Транспартны сродак дыслацыраваўся на аэрадроме Караліно і належыць авіатару-аматару. Па папярэднім дадзеным, самалёт ажыццяўляў пробны палёт у раёне абласнога аэраклуба.
Як піша T*T.BY, уласнік самалёта — 62-гадовы Віталь Братанюк, у мінулым баявы пілот, а сёння авіятар-аматар і старшыня гродзенскай Асацыяцыі аматараў авіяцыі. Свой «Злін» ён набыў каля двух гадоў таму. У мінулым годзе ён абнавіў лятальны апарат, які патрабаваў рамонту. Яго цалкам перабралі, зноўку пафарбавалі і апрацавалі антыслізгавым рэчывам. Па запэўненнях гаспадара, усе прыборы працавалі, як новыя.
Чэшскі самалёт удзельнічаў у мінулым годзе ў авіяцыйным фестывалі, які кожны год праходзіць на тэрыторыі аэрадрома «Караліно». У Гродне ўсяго некалькі прыватных самалётаў, і «Злін» Віталя — самы ўнікальны з іх.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…