Сучасныя грыль-бар і бургерная могуць з’явіцца ў самым цэнтры Гродна. Новая кропка грамадскага харчавання адкрые дзверы на вуліцы Савецкай, 1, арыентыровачна праз год.
Аб’ект размесціцца ў будынку за домам Мураўёва і гатэлем на Калючынской. Два гады таму месца было выкуплена на аўкцыёне фірмай з замежным капіталам. Фірма ўжо замовіла архітэктурны праект, ад якога будзе адштурхоўвацца пры будаўніцтве будучай ўстановы. Дакладна вядома, што там будзе працаваць грыль-бар.
[irp posts="65 405″ name="Фотафакт: Сямашка паказаў свой новы аб’ект у цэнтры Гродна"]
— Пакуль няма ні назвы, ні дакладнай карціны, што там будзе на фінішы. Хацелася б і грыль-бар, і бар з алкаголем і кактэйлямі. Не выключаем, што будзем рабіць бургеры, — распавёў прадстаўнік кампаніі.
Актыўныя будаўнічыя працы плануюць пачаць праз паўгода, а першага наведвальніка хочуць прыняць ужо праз год.
[irp posts="59 158″ name="На Калючынскай будаўнікі натыкнуліся на падмуркі старога дома"]
