«Медалі раздаю ўнукам». Удзельнік «Гарадзенскай вандроўкi» расказаў як бегае ў 80 гадоў

Самым узроставым удзельнікам «Гарадзенскай вандроўкi», якая прайшла 27 мая, стаў 80-гадовы атлет з Жодзіна Арнольд Слуцкер. Дзесяцікіламетровую дыстанцыю пенсіянер пераадолеў за 1 гадзіну 16 хвілін і палепшыў свой леташні вынік на 3 хвіліны.

Арнольд бегае з 1981 года, ён прадстаўляе жодзінскую каманду «БелАЗ» і за год выходзіць на 14 стартаў. Пенсіянер нават ездзіў на марафон у Маскву.

[irp posts="65 964″ name="Фото: Hrodna.life пробежался с участниками Гарадзенскай вандроўкі" по улицам города"]

«Бегчы па вуліцах Гродна гэтым разам было лепш чым летась. Было трохі халодней і я палепшыў свой вынік амаль на 3 хвіліны, — распавядае Арнольд. — Самы складаны этап „Гарадзенскай вандроўкi“ — на вуліцы Горкага, калі трэба бегчы пад горку. Прыемна было, што гродзенцы крычалі мне і падтрымлівалі».

Па словах Арнольда, у Гродне вельмі добрая арганізацыя бегу: «Лепш гэтых спаборніцтваў я не бачыў, а бываў шмат дзе».

Пакуль ногі носяць

Арнольд кажа, што будзе бегаць пакуль носяць ногі.

«Бегаю тры разы на тыдзень па 10 км і большых дыстанцыі браць не планую. Свой апошні марафон я прабег у 75 гадоў. Медалёў за ўвесь час сабралася шмат, але я іх раздаю ўнукам. Апошнім часам медалі выдаюць толькі за тое што дабег».

[irp posts="65 931″ name=" Побеждает сильнейший". Лидером «Гарадзенскай вандроўкі» стал гродненский ОМОНовец"]

«БелАЗ» дапамагае

Арнольд сам наўрад ці пацягнуў бы паездкі на спаборніцтвы. У арганізацыі паездак яму і яго калегам дапамагае завод «БелАЗ».

«У матэрыяльным плане цяжка ўсюды ездзіць, але спартсменаў завод „БелАЗ“ падтрымлівае і час ад часу адпраўляе на спаборніцтвы. Напрыклад, у Гродна прыехала 7 чалавек і ў асноўным усе пенсіянеры», — дадаў Арнольд.