Курсы беларускай мовы «Мова Нанова» скончылі дзявяты сезон і выйшлі на вакацыі. Адзначыць выпускны разам са студэнтамі прыехаў знакаміты беларускі баец і музыка Віталь Гуркоў.
Па выніках гэтага года найлепшай студэнткай стала Святлана Самойленка. Яе ўзнагародзілі як за добрае веданне мовы, так і за яе папулярызацыю — сёлета Святлана звярталася ў гарвыканкам з прапановай трансляваць вершы і ўрыўкі з празаічных твораў у салонах аўтобусаў і тралейбусаў .
[irp posts="61 311″ name="Вершаў не будзе. Гарвыканкам даў адказ гродзенцы, якая прапанавала ўключаць творы ў транспарце"]
Пасля моўнага інтэрактыву перад слухачамі выступіў Віталь Гуркоў. Спартсмен расказаў пра свае трэніроўкі, удзел у зборы сродкаў на помнік Тадэвушу Касцюшку, уласную лінейку адзення і сваю матывацыю.
«Я хачу паказаць, што можна быць паспяховым спартсменам і разам з тым рабіць тое, што любіш,» — сказаў Віталь, маючы на ўвазе і сваю музычную дзейнасць.
Студэнтаў цікавіла пытанне, як пачаць займацца чалавеку з зусім не спартыўным целаскладам. Спартсмен адказаў, што для поспеху галоўнае — пастаянства.
«Трэба параўноўваць сябе сённяшняга з сабой учарашнім. Трэба проста паспрабаваць, прыняць рашэнне. Мы самі робім выбар, дзе нам быць і чым займацца,» — сказаў Віталь.
А пачаць трэніроўку цікаўнаму студэнту Віталь прапанаваў проста падчас заняткаў. Так, госць прадэманстраваў самыя асновы — як правільна стаяць, трымаць рукі і трапна біць. Ад спарынгу, праўда, вырашылі адмовіцца.
Пасля заняткаў прыхільнікі доўга не адпускалі госця — Віталь ахвотна з усімі фатаграфаваўся і даваў аўтографы.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…