Абгуляўшы «Віслу» з Плоцка ў апошнім туры чэмпіянату Польшчы, каманда з Беластока другі год запар заваявала срэбраныя медалі і забяспечыла сабе пуцёўку ў Лігу Еўропы.
За апошнія гады футбол у Беластоку прыкметна прагрэсуе, а разам з гэтым і ўзровень заўзення за каманду. Так, апошні матч сезону там наведала крыху больш за 20 тысяч чалавек. Варта адзначыць, што ў суседзяў на футбол усе ходзяць у клубнай атрыбутыцы.
За 30 секунд да фінальнага свістка ў матчы з «Віслай» на поле сталі масава выбягаць заўзятары, думаючы што гэта ўжо канец матчу. Пазбегнуўшы вялікага скандалу, дыктару на стадыёне атрымалася вярнуць іх за межы поля. У выніку праз некалькі хвілін прагучаў фінальны свісток, а разам з ім тысячы заўзятараў «Ягелоніі» выбеглі на поле віншаваць сваіх улюбёнцаў.
Матч скончыўся з лікам 2:1. Такім чынам каманда з Беластока заваявала ў чарговы раз другое месца ў чэмпіянаце Польшчы і атрымала пуцёўку ў кваліфікацыю Лігі Еўропы.
Пасля матчу на адной з цэнтральных плошчаў Беластока фанаты зладзілі ўрачыстае віншаванне каманды і трэнера.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…