Салют перамогі стаў самай масавай акцыяй святкавання Дня Перамогі у Гродне. У 23 гадзіны 9 мая, незважаючы на позні час і перакрыты рух транспарту, сотні гродзенцаў сабраліся каля Кургана Славы. У прызначаны час неба расквецілі каляровыя ўспышкі.
-Адкуль страляць будуць, дзе лепш стаць?
-Галоўнае, каб Курган было відаць! Туды будуць цэліць.
– Салют, гэта як авіяносная бамбардзіроўка, – аўтарытэтна тлумачыў сябру хлопчык гадоў шасці ў пілотцы
– Напэўна, нават з космасу відаць, – пагаджаўся другі
Калі сціхлі апошнія залпы, прыйшоў час дзяліцца ўражаннямі і развітвацца са старымі і новымі сябрамі. Тралейбусы ўжо чакалі позніх пасажыраў.
-Ты дзе жывеш?
-На Вішні.
-Эх, не па дарозе, мне на Фолюш. Сазвонімся!
