Асноўныя мерапрыемствы 9 мая пачаліся ў 10 раніцы каля Кургана Славы. Там прайшоў урачысты мітынг, ускладанне кветак і парад войскаў Гродзенскага гарнізона. Таксама для гасцей прайшло паказальнае выступленне разведчыкаў Заходняга аператыўнага камандавання.
У гэтым годзе, як і ў мінулым, арганізатары парада вырашылі абысціся без ваеннай тэхнікі. Яе замяніў «бессмертный полк», у якім ішло каля 1500 чалавек, і які ператвараецца ў новую штогадовую традыцыю. Удзельнікі гэтага «палка» неслі фатаграфіі людзей, якія прымалі ўдзел у Другой Сусветнай вайне, але не дажылі да сёння.
Па завяршэнні афіцыйнай часткі каля Кургана Славы прайшоў канцэрт з удзелам гродзенскіх калектываў. З 12.00 святкаванні пачаліся ў цэнтры Гродна. На Савецкай плошчы да вечара можна сфатаграфавацца з рэтрааўтамабілямі. На плошчы Леніна праходзіць канцэрт, таксама адкрылася імправізаванае кафэ пад адкрытым небам.
[irp posts="62 367″ name=" Хтосьці выпівае, а мы па спорце": гродзенцы адцісканнямі адзначылі Дзень Перамогі"]
Аматарам актыўнага адпачынку варта зазірнуць у Швейцарскую даліну, дзе да вечара будуць праходзяць спартыўныя спаборніцтвы.
Завяршэннем свята стане акцыя «Праспяваем Дзень Перамогі разам» на Кургане Славы, там жа пройдзе салют.
[irp posts="62 535″ name="ФОТА: Cалют перамогі прагрымеў над Гродна"]
Даведка
Па стане на 1 красавіка 2018 года ў Беларусі пражываюць 8412 ветэранаў, з іх непасрэдна ўдзельнікаў вайны — 4006 чалавек. У Гродзенскай вобласці каля 600. За тры апошнія гады ветэранаў у краіне стала на 13 тысяч менш. Сярэдні ўзрост удзельнікаў вайны сёння складае 95−96 гадоў. Самым «маладым» — 86−87 гадоў.
