Звярам не змаглі забяспечыць належны догляд у парку ў Пінску, таму іх адправілі ў гродзенскі заапарк. Зараз звярам значна лепш.
Увагу да жывёл, якія пакутавалі ў заакутку гарадскога парку ў Пінску, спрабавала прыцягнуць маладая сямейная пара. Аляксандра і Дзмітрый забілі трывогу, схадзілі ў адміністрацыю парку. У размове пара выказала ідэю пра тое, што калі няма грошай і спецыялістаў, каб утрымліваць заакуток, то варта звяроў перадаць у надзейныя рукі.
На сітуацыю адрэагавалі мясцовыя ўлады, жывёл агледзеў ветэрынар, вальеры сталі рэгулярна чысціцца. Аляксандра не раз заходзіла да кіраўніцтва парка, каб даведацца пра стан жывёл, хадзіла і на прыём да старшыні гарвыканкама, піша «Медыа-Палессе».
[irp posts="54 133″ name="У Гродне адкрыўся яшчэ адзін кантактны заапарк. Там можна дакрануцца да кенгуру"]
У выніку было прынята рашэнне ліквідаваць заакуток, і ў красавіку ламу, страўса, казу, камерунскіх авечак (усяго 14 жывёл) пачалі перавозіць у гродзенскі заапарк.
Нядаўна пінчукі пабывалі ў Гродне і наведалі заапарк.
— Жывёлы сталі нашмат лепш выглядаць, — распавядае Аляксандра, — наогул не параўнаць з тым, што было ў Пінску.
Яны пагутарылі з ветэрынарамі, якія паведамілі, што бараны пакуль у карантыне. На жаль, рогі ў іх не адновяцца, гэтыя пашкоджанні з’явіліся ад недахопу кальцыя. Лама пакуль не есць правільную ежу, толькі гародніну і траву, да якіх прывыкла ў Пінску.
— Мы рады, што сітуацыя вырашылася такім чынам і звярам забяспечаны прафесійны догляд, — падкрэсліла Аляксандра.
[irp posts="51 533″ name="На хутары пад Гродна за два дні зграя бадзяжных сабак загрызла 37 авечак і казу"]
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…