Чарговае мерапрыемства ў стылі TED пройдзе ў Гродне 15 красавіка. Гродзенцаў запрашаюць на TEDxHrodnaLive, каб паглядзець прамую трансляцыю вялікай сусветнай канферэнцыі з тэмай «Час здзіўлення», якая адбудзецца ў Ванкуверы.
TED— вялікая канферэнцыя, якая штогод, з 1984 году, аб’ядноўвае людзей з усяго свету пад дэвізам «Ideas worth spreading» (анг. «ідэі, вартыя распаўсюду»). Літары TED абазначаюць з ангельскай мовы: technology, entertainment, design; (тэхналогіі, забавы, дызайн). Сярод выступоўцаў канферэнцыі былі Стывен Хокінг, Біл Гейтс ці Біл Клінтан. Некаторыя з выступленняў размяшчаюцца на сайце канферэнцыі www.ted.com.
TEDxLiveHrodna — як гэта будзе
У гэтым годзе канферэнцыя праходзіць з 10 па 14-ага красавіка пад назвай «Time of amazement» (анг. «час здзіўлення»), і ўжо 15-га красавіка яе змогуць паглядзець гродзенцы.
Уся праграма канферэнцыі складаецца з 11 сесій, але ў Гродне пакажуць 2−3 сесіі. Пра тое, што будзе паказана, вырашаць самі ўдзельнікі мерапрыемства праз галасаванне пры запаўненні формы рэгістрацыі.
[irp posts="2584″ name=""Мы на цэлае жыццё адсталі?" У Цэнтры гарадскога жыцця адбыўся TEDхHrodnaWomen"]
Як заўважае адна з арганізатарак мерапрыемства, Ганка Барадзіна, варта туды прыйсці «каб глядзець канферэнцыю ўжывую, да таго, як прамовы з’явяцца на сайце ted.com, глядзець іх тэматычнымі блокамі і бачыць, як арганізаваны гэты вялікі івэнт, абмяркоўваць у цікавай кампаніі. Таксама гэта добры шанец пракачаць ангельскую, пазнаёміцца з цікавымі людзьмі і ідэямі.»
Мерапрыемства распачнецца ў 11.00 па адрасе Будзёнага 48а-86. Каб паўдзельнічаць, неабходна зарэгістравацца па спасылцы.
Усе прамовы будуць адбывацца на ангельскай мове.
TED у Гродне не ўпершыню
TEDx прыйшоў у Гродна разам з першай падзеяй у стылі TED у 2014, гэта была моладзевая падзея TEDxYouth@Hrodna, якая ладзілася і ў 2015 годзе, паралельна з тым ладзіліся трансляцыі са штогадовай TEDWomen канферэнцыі (2015, 16 і 17). Зараз жа гродзенцы ўпершыню паглядзяць ужывую штогадовую галоўную TED канферэнцыю.
«Аднак, гродзенскія перакладчыцы субтытраў для прамоў рупліва перакладаюць ужо з 2012 года, так што можна сказаць, TED у нас не ўпершыню» — дадае Ганка Барадзіна.
Можна далучыцца да падзеяў у фэйсбуку і ўкантакце і наведаць сайт TED-канферэнцыі.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…