У трэцім матчы фінальнай серыі чэмпіянату Беларусі паміж «Нёманам» і «Юнацтвам», які праходзіў у Мінску 1 красавіка, перамога засталася за гродзенцамі. Такім чынам каманда Сяргея Пушкова зноў выходзіць наперад у серыі.
Гаспадары добра пачалі матч і стваралі шмат небяспечных момантаў ля варот Труса. Але гродзенцам удалося ў сярэдзіне першага перыяду збіць удар суперніка і выйсці наперад. Пасля грубага парушэння на Ляўшы, Кіслы на 12-й хвіліне дакладна рэалізаваў буліт і вывеў «Нёман» наперад. Яшчэ да перапынку гродзенцы змаглі павялічыць сваю перавагу, дзякуючы шайбе Сяргея Маляўкі.
У другім перыядзе пры роўнай барацьбе зноў атрымалася выдзеліцца менавiта гасцям. На гэты раз падапечныя Сяргея Пушкова зрабілі гэта ў меншасці. Дакладны кідок на свой рахунак запісаў зноў Кіслы.
Заключная дваццаціхвілінка прайшла ўжо пад дыктоўку «Немана». Гродзенцы добра абараняліся і смела ішлі наперад, пры гэтым не даючы «Юнацтву» вызначыцца. А вось шайбаў у трэцім перыядзе гледачы не ўбачылі.
галы:
11.04 0:1 — Кіслы (штрафны кідок)
18.41 0:2 — С. Маляўка (А.Маляўка, Багданоўскі)
29.13 0:3 — Кіслы (мен.)
Наступны матч паміж супернікамі пройдзе ў Мінску 2 красавіка.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…