Гісторыя пра нечалавечую вернасць лідскага дварняка, які некалькі дзён спрабаваў «рэанімаваць» загінулага сабаку, нікога не пакінула абыякавым. Літаральна за суткі валанцёры перавезлі сабаку з Ліды ў Гродна, дзе яго ўжо чакаў не толькі новы дом, але і першая ў жыцці сапраўдная праца.
Калі гісторыя пра такую вернасць стала ўсім вядомая, то лёсам сабакі тут жа заняліся ўсе неабыякавыя. Да сёння на гродзенскім смеццесартавальным заводзе было 204 супрацоўнікі. З чацвярга штат папоўніўся. Новым работнікам самага маладога прадпрыемствы горада стаў той самы лідскі сабака, расказвае «Гродна Плюс».
— Убачылі гэты сюжэт, усіх на заводзе гэта ўразіла. Было напісана, калі да суботы не будзе знойдзены гаспадар, то аддадуць валанцёрам. Мы вырашылі ўсім заводам забраць гэтага сабаку, таму што такая гісторыя, — расказвае Вячаслаў Андрэеўскі, дырэктар Гродзенскага завода па ўтылізацыі і механічным сартаванні адходаў.
За ноч майстры Ленінскага ЖКГ пабудавалі дыхтоўную будку, і ўжо раніцай супрацоўнікі, якія прыйшлі на змену, знаёміліся з новым работнікам завода.
Цяпер ужо не безыменны сабака, з задавальненнем адклікаецца на новую мянушку «Малыш», па першай просьбе падае лапу, і дае першае ў сваім жыцці інтэрв'ю. Хутка яму зробяць неабходныя прышчэпкі, а ланцуг здымуць, як прывыкне да новага месца.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…