Два гады таму ў парку Жылібера спілавалі стары ясень, якому было больш за дзвесце гадоў. Да фестывалю нацыянальных культур у 2016 годзе на месцы спілаванага дрэва гарадскія ўлады абяцалі паставіць скульптурную кампазіцыю. Але нічога так і не было выканана.
У парку Жылібера павінны былі ўсталяваць адмысловую кампазіцыю, зробленую з частак спілаванага дрэва. Заказ ад гродзенскага ЖКГ выконваў вядомы разбяр Мікалай Скляр. Але пасля выканання работы пра майстра чамусьці забыліся. Адзінае, што зрабіў тады горад, дык гэта пасадзіў малады ясень у пні старога. Зрабіў гэта ўрачыста старшыня гарвыканкама Мечыслаў Гой.
Старшыня казаў тады: «У памяць аб велічным ясені, які рос у парку сотні гадоў, мы пасадзілі новае дрэва. У будучыні, гледзячы на ясень, нас успомняць нашчадкі».
Таксама старшыня абяцаў, што побач з ясенем будзе створана драўляная экспазіцыя са спілаванага дрэва. Рэалізаваць ідэю было даручана гарадскім службам, а тыя ў сваю чаргу звярнуліся да скульптара Мікалая Скляра.
Сёння, праз два гады, майстар не хоча ўзгадваць гісторыю з ясенем. Кажа, што ён выканаў сваю працу, а да яго павярнуліся спіной. «Гісторыю з ясенем, я не хачу нават успамінаць. Гэтая тэма для мяне зачыненая», — сказаў Скляр
Няма ўжо сёння і тых напрацовак скульптара са старога ясеня, таму не будзе скульптуры нават на фестываль нацыянальных культур у 2018 годзе.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…